ისრაელის თავდაცვის ძალების გენშტაბის უფროსი - „ჰამასი“ დაუმორჩილებლობისთვის ფასს გადაიხდის
21.05.2025 ნახვები: 333
ისრაელის თავდაცვის ძალების გენშტაბის უფროსის, ეიალ ზამირის განცხადებით, ისრაელის გეგმაა ღაზის სექტორში სამხედრო ოპერაციების გაფართოება და დამატებითი ტერიტორიების დაკავება.
„ჩვენ ვმოქმედებთ სტრუქტურირებული გეგმის მიხედვით და გადავდივართ შემდეგ ფაზაზე. „ჰამასი“ დაუმორჩილებლობისთვის ფასს გადაიხდის. ჩვენ გავაფართოებთ ჩვენს მანევრებს, დავიკავებთ დამატებით ტერიტორიებს, გავწმენდთ და გავანადგურებთ ტერორისტულ ინფრასტრუქტურას მათ საბოლოო დამარცხებამდე“, – აღნიშნა ეიალ ზამირმა.
მისივე თქმით, ისრაელის უმთავრესი მიზანია მძევლების დაბრუნება.
„„ჰამასმა“ უნდა გაიგოს – ერთადერთი გზა ისაა, რომ მძევლები გაათავისუფლოს. შეთანხმება თუ იქნება მიღწეული, ისრაელის თავდაცვითი ძალები შესაბამისად შეცვლიან ოპერაციებს“, – განაცხადა ეიალ ზამირმა.
ცნობისთვის, გასულ ღამეს ისრაელმა ღაზის სექტორში საჰაერო დარტყმები განახორციელა. როგორც მედია წერს, 18 ადამიანი დაიღუპა, მათ შორის ქალები და ბავშვები. მანამდე , ისრაელის არმიამ ხან-იუნისის მოსახლეობას ევაკუაციისკენ მოუწოდა და „უპრეცედენტო თავდასხმა“ დააანონსა.
