ივანიშვილის განცხადება - დიპლომატიურად არაეთიკური ანუ „მტკიცე ლიდერი“ რუსული გეგმის შეფუთვას ცდილობს
საქართველოს მოსახლეობის ბრძოლამ ნამდვილად შეცვალა დამოკიდებულება თქვენ მიმართ შეერთებულ შტატებში - ჯო უილსონი
27.05.2025 ნახვები: 253
"საქართველოს მოსახლეობის ბრძოლამ ნამდვილად შეცვალა დამოკიდებულება თქვენ მიმართ შეერთებულ შტატებში," - ამის შესახებ რესპუბლიკელმა კონგრესმენმა, ჯო უილსონმა საქართველოს დამოუკიდებლობის დღესთან დაკავშირებით, ვიდეომიმართვაში განაცხადა.
მისი თქმით, ქართველი ხალხი დიდი მონდომებით და ენთუზიაზმით გამოირჩევა, რითაც მოხიბლულია.
"ჩვენთვის შთამაგონებელია ქართველი ხალხი. ვითვალისწინებთ რა, რომ 26 ოქტომბერს არჩევნები გაყალბდა, ვფიქრობთ, რომ აუცილებელია თავისუფალი არჩევნების ჩატარება.
საქართველოს დამოუკიდებლობის დღის აღნიშვნისას მინდა იცოდეთ, რომ საქართველოს მოსახლეობის ბრძოლამ ნამდვილად შეცვალა დამოკიდებულება თქვენ მიმართ შეერთებულ შტატებში. კონგრესის 90%-მა ხმა მისცა საქართველოში სამართლიანი და თავისუფალი არჩევნების აუცილებლობას.
ეს საკითხი აშშ-ს სენატში აქტიურად განიხილება. ჩვენ ყველანი ნამდვილად მოხიბლულნი ვართ ქართველი ხალხით. მე მოხიბლული ვარ, რომ ვხედავ, როგორი ენთუზიაზმით, მონდომებითა და გამძლეობით გამოირჩევა ქართველი ერი, საქართველოს შესანიშნავი მოსახლეობა. ასევე ძალიან ბედნიერი ვარ, რომ მქონდა შესაძლებლობა, პრეზიდენტ სალომე ზურაბიშვილისთვის აქ, ვაშინგტონში, მემასპინძლა.
ის კარგად მიიღეს წარმომადგენელთა პალატის სპიკერმა ჯონსონმა, ვიცეპრეზიდენტმა ჯეი დი ვენსმა და სახელმწიფო მდივანმა მარკო რუბიომ. ამერიკელი ხალხი მხარს უჭერს თავისუფლებისა და დამოუკიდებლობის მთელ იდეას - შესაძლებლობას, რომ გაერთიანებული ევროპის ნაწილი გახდეთ. ჩვენ გისურვებთ მხნედ ყოფნას. გილოცავთ დამოუკიდებლობის დღეს!"- მიმართა რესპუბლიკელმა კონგრესმენმა, ჯო უილსონმა რუსთაველის გამზირზე შეკრებილ მოქალაქეებს.
