უკრაინის პრეზიდენტის, ვოლოდიმირ ზელენსკის განცხადებით, დარწმუნებულია, რომ მომავალში უკრაინა შეძლებს, რუსეთის თავდასხმებს სარკისებურად უპასუხოს.
მისი თქმით, უკრაინა დრონებისა და შორი მოქმედების რაკეტების საკუთარი წარმოების გაზრდაზე მუშაობს და ევროპელ პარტნიორებთან ახალი შეთანხმებები მზადდება ასეთ წარმოებაში ინვესტიციების განხორციელების მიზნით.
ზელენსკიმ აღნიშნა, რომ ეს, პირველ რიგში, დრონებსა და შორ მანძილზე მოქმედ რაკეტებს ეხება.
„რა თქმა უნდა, საჯაროდ ვერ ვისაუბრებთ ჩვენს გეგმებზე ან შესაძლებლობებზე, მაგრამ პერსპექტივა ნათელია - რუსეთის ყველა საფრთხესა და გამოწვევაზე სარკისებურად ვუპასუხოთ. მათ იქ, რუსეთში მკაფიოდ უნდა იგრძნონ უკრაინის წინააღმდეგ ჩადენილი ქმედებების შედეგები და ასეც იქნება“, - აღნიშნა ზელენსკიმ.
მან ხაზი გაუსვა, რომ უკრაინამ უნდა შექმნას თავდასხმის დრონები, ფრთოსანი რაკეტები და ბალისტიკური აღჭურვილობა, რადგან ისინი ამ ომში ძირითადი ელემენტებია.
