ივანიშვილის განცხადება - დიპლომატიურად არაეთიკური ანუ „მტკიცე ლიდერი“ რუსული გეგმის შეფუთვას ცდილობს
BILD - გერმანია უკრაინას 2 500 კმ-მდე მანძილზე მოქმედი ფრთოსანი რაკეტების წარმოებაში დაეხმარება
28.05.2025 ნახვები: 249
გერმანიის მთავრობა უკრაინის სამხედრო ინდუსტრიისთვის მილიონობით ევროს გამოყოფას გეგმავს 2 500 კილომეტრამდე მანძილზე მოქმედი ფრთოსანი რაკეტების დამოუკიდებელი შემუშავებისა და მასობრივი წარმოებისთვის, - ინფორმაციას BILD-ი საკუთარ წყაროებზე დაყრდნობით.
გამოცემის ცნობით, კიევი ამჟამად ასეთ რაკეტებზე კვლევას ატარებს და უკვე გამოიყენა რამდენიმე მათგანი რუსეთის ტერიტორიაზე, ფრონტის ხაზიდან 400 კილომეტრზე მეტ მანძილზე, დარტყმების მიზნით.
BILD-ის ცნობით, პრობლემა ის არის, რომ უკრაინაში იარაღის ქარხნები რუსული თავდასხმების მთავარ სამიზნეებს შორისაა, ამიტომ, გერმანია Iris-T-ის დამატებითი საჰაერო თავდაცვის სისტემების მიწოდებაზე მოლაპარაკებებს აწარმოებს და მიწოდების შესახებ გადაწყვეტილება, შესაძლოა, ოთხშაბათს მერცსა და ზელენსკის შორის შეხვედრაზე გამოცხადდეს.
