თორნიკე სხვიტარიძეს 5-დღიანი პატიმრობა, ანი ქავთარაძეს კი 5000-ლარიანი ჯარიმა შეეფარდათ
30.05.2025 ნახვები: 384
თბილისის საქალაქო სასამართლომ პოლიციელ მირიან ქავთარაძისთვის სიტყვიერ შეურაცხყოფაში ბრალდებული თორნიკე სხვიტარიძე სამართალდამრღვევად ცნო და 5-დღიანი ადმინისტრაციული პატიმრობა შეუფარდა, ხოლო, ამავე საქმეზე ბრალდებულ ანი ქავთარაძეს 5000- ლარიანი ჯარიმა დააკისრა.
გადაწყვეტილება მოსამართლე ნინო ენუქიძემ მიიღო. აღნიშნულით სასამართლომ შსს-ს შუამდგომლობა დააკმაყოფილა.
შსს-ს ანი ქავთარაძის მიმართ ჯარიმის, ხოლო თორნიკე სხვიტარიძის მიმართ პატიმრობის გამოყენების შუამდგომლობა ჰქონდა.
ადვოკატები საქმის კვალიფიკაციას არ ეთანხმებოდნენ და ადმინისტრაციული წარმოების შეწყვეტას ითხოვდნენ.
თორნიკე სხვიტარიძეს და ანი ქავთარაძეს ედავებიან იმას, რომ მათ მირიან ქავთარაძეს მიმართეს შემდეგი სიტყვებით: „მონა“, „ქავთარაძეების გვარის სირცხვილი“.
