ამერიკელი რეჟისორი შონ პენი, რომელიც უკრაინაში ომის დაწყებიდან მალევე ჩავიდა, ოსკარს მოუწოდებს, რომ 28 მარტს დაგეგმილ ღონისძიებაზე პრეზიდენტი ვოლოდიმირ ზელენსკი მიიწვიონ და სიტყვით გამოსვლის საშუალება მისცენ.
როგორც პენი ამბობს, ეს იქნება კიდევ ერთი დიდი შესაძლებლობა, რომ ადამიანებმა მეტი შეიტყონ უკრაინაში მიმდინარე მოვლენებზე და კინოაკადემიამ მის ამ ინიციატივას მხარი უნდა დაუჭიროს.
"თუ აკადემია გადაწყვეტს, ეს არ გააკეთოს, თუ წამყვანები გადაწყვეტენ, რომ უკრაინას მხარი არ დაუჭირონ, უკრაინას, რომელიც ჩვენს ნაცვლად იღებს იმ ტყვიებს და ბომბებს ბავშვებთან ერთად, მაშინ მგონია, რომ ამ ადამიანების საქციელი იქნება ყველაზე სამარცხვინო ჰოლივუდის მთელს ისტორიაში და თუ ასე მოხდება, დაბრუნებისთანავე მე ჩემს ოსკარს გადავადნობ", - განაცხადა შონ პენმა.
შონ პენი უკრაინაში ომის დაწყების შემდეგ ჩავიდა და განაცხადა, რომ ქვეყანაში მიმდინარე მოვლენებზე დოკუმენტური ფილმის გადაღებას აპირებს, რათა მსოფლიოს რეალობა დაანახოს.
