რუსეთის საგარეო საქმეთა მინისტრის სერგეი ლავროვის განცხადებით, რუსეთი დაინტერესებულია, რომ უკრაინასთან მოლაპარაკებები დასრულდეს შედეგით, რომელშიც რუსეთის პრინციპული მიზნები იქნება მიღწეული.
სერგეი ლავროვმა ამის შესახებ სერბულ მედიასაშუალებებთან საუბრისას განაცხადა.
სერგეი ლავროვმა დაადასტურა, რომ მოლაპარაკებები დღეს ან ხვალ განახლდება სტამბოლში, პირისპირ შეხვედრის ფორმატში, რომელზედაც რუსეთის მიზანი უკრაინის დემილიტარიზაციისა და დენაციფიკაციის საკითხებზე შედეგის მიღწევა იქნება.
„მოლაპარაკებები გრძელდებოდა, ახლაც გრძელდება, დღეს ან ხვალ მოლაპარაკებები განახლდება სტამბოლში, ვიდეკონფერენციების სერიის შემდეგ უკვე პირისპირ რეჟიმში. ჩვენ დაინტერესებული ვართ, რომ ეს მოლაპარაკებები დაგვირგვინდეს შედეგით, რომლითაც მიღწეული იქნება ჩვენი ფუნდამენტური მიზნები. მე მაინც ვხედავ, რომ არსებობს შეთანხმების შანსები, რადგან ჩვენმა დასავლელმა პარტნიორებმა დაიწყეს ყველაზე უხეში გრძელვადიანი შეცდომების გაცნობიერება, თუმცა გასაგები მიზეზების გამო, ისინი ნაკლებად სავარაუდოა, რომ ამას ხმამაღლა იტყვიან. ჩვენ უნდა დავრწმუნდეთ, რომ უკრაინამ შეწყვიტოს დასავლეთთან, ასევე ჩრდილოატლანტიკურ ალიანსთან დაახლოება რუსეთის ფედერაციისთვის სამხედრო საფრთხის შექმნის სახით, ფიზიკური სამხედრო მუქარის სახით, რათა უკრაინა აღარ იყოს ქვეყანა, რომელიც მუდმივად მილიტარიზებულია და იქ თავდასხმითი იარაღის განთავსებას ცდილობს. უკრაინის დემილიტარიზაციაც და დენაციფიკაციაც შეუცვლელი კომპონენტია იმ შეთანხმებებისა, რომელსაც ჩვენ ვეძებთ", - განაცხადა სერგეი ლავროვმა.
ამასთან, რუსეთის საგარეო უწყების ხელმძღვანელი უკრაინისა და რუსეთის პრეზიდენტების შესაძლო შეხვედრასაც გამოეხმაურა და აღნიშნა, რომ ჯერჯერობით შეხვედრის გამართვა კონტრპროდუქტიული იქნება.
„პრეზიდენტ პუტინს არასოდეს უთქვამს უარი პრეზიდენტ ზელენსკისთან შეხვედრაზე, ერთადერთი, რასაც ის პრინციპულად მნიშვნელოვნად მიიჩნევს, არის, რომ ეს შეხვედრები კარგად იყოს მომზადებული. უამრავი პრობლემა დაგროვდა, ასე რომ, მხოლოდ შეხვედრა და აზრთა გაცვლა რას ფიქრობ და მე რას ვფიქრობ, ახლა უბრალოდ კონტრპროდუქტიული იქნება. შეხვედრა საჭირო იქნება, როგორც კი მივიღებთ სიცხადეს ყველა საკვანძო საკითხზე" - განაცხადა რუსეთის საგარეო საქმეთა მინისტრმა.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
