ბელარუსის პარლამენტმა „ტერორისტული თავდასხმის, სახელმწიფო ან საზოგადო მოღვაწის მკვლელობის მცდელობისთვის“ სიკვდილით დასჯა დაამტკიცა
04.05.2022 ნახვები: 623
ბელარუსის პარლამენტმა დაამტკიცა სიკვდილით დასჯა ტერორისტული თავდასხმისა და სახელმწიფო ან საზოგადო მოღვაწის მკვლელობის მცდელობისთვის.
როგორც ადგილობრივი მედია წერს, ეს შესწორება საკანონმდებლო ორგანომ კანონში მას შემდეგ შეიტანა, რაც ბელარუსში გახშირდა ოპოზიციის წარმომადგენელთა თავდასხმები ინფრასტრუქტურულ ობიექტებზე.
მათივე ცნობით, რუსეთის მიერ უკრაინის წინააღმდეგ წამოწყებული ომის შემდეგ ბელარუსის ოპოზიციურმა მოძრაობამ მოუწოდა მოქალაქეებს, დაიწყონ ე.წ. სარკინიგზო ომი, რაც სამხედრო ტექნიკის გადაადგილებისთვის ხელისშემშლელი ფაქტორი იქნებოდა.
აპრილის ბოლოს, ბელარუსში სარკინიგზო ხაზების ბლოკირების ბრალდებით 60 ადამიანი იყო დაკავებული. სულ მცირე ერთი ადამიანი ტერორიზმში დაადანაშაულეს.
ბელარუსი ერთადერთი ქვეყანაა ევროპაში, სადაც სიკვდილით დასჯა მოქმედებს.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
