ლევან ხაბეიშვილი - ირაკლი კობახიძეს მივმართავ - ახალგაზრდებს, ბავშვებს რომ დასდევთ და ნარკოლოგიურში გადაგყავთ, შემოწმება დაიწყეთ თქვენი წრიდან
თიბისი კონცეპტმა მომხმარებლებს ბათუმში, ჯაზფესტივალისთვის, განსაკუთრებული შეთავაზებები მოუმზადა
შს მინისტრი - ქვეყნის მასშტაბით ჩატარებული ოპერატიული ღონისძიებების შედეგად, ნარკოდანაშაულის ბრალდებით დავაკავეთ 34 პირი
Ukraine’s air defenses neutralize 718 Russian aerial threats, including seven missiles
War update: 183 clashes on front lines over past day
Around 50 Russian drones, five missiles detected over Volyn region overnight
Russia's war casualty toll in Ukraine rises by 1,050 over past day
US Senate will soon approve tough sanctions against Russia, China, India – Graham

საბა ბუაძე - თბილისს აქვს უღიმღამო ბიუჯეტი, რომელშიც კახა კალაძის მრავალწლიანი დაპირებებიც კი სათანადოდ ასახული არ არის

25.11.2022 ნახვები: 404

საკრებულოს წევრის, ფრაქცია „ლელო – პარტნიორობა თბილისისთვის“ თავმჯდომარის, საბა ბუაძის განცხადებით, თბილისს აქვს უღიმღამო ბიუჯეტი, რომელშიც თბილისის მერის, კახა კალაძის მრავალწლიანი დაპირებებიც კი სათანადოდ ასახული არ არის.

მისი თქმით, ბიუჯეტი ვერ პასუხობს უმძიმეს სოციალურ მდგომარეობას, რომელიც ინფლაციის ფონზეა დედაქალაქში.

„სამწუხაროდ, ბიუჯეტის მოქმედი რედაქცია არ ითვალისწინებს არცერთ ამბიციურ პროექტს, რომელიც დედაქალაქს სჭირდება. არ ითვალისწინებს თანხებს ყველაზე საკვანძო მიმართულებით, როგორიცაა ტრანსპორტი. თბილისელების აბსოლუტური უმრავლესობა ახალი ავტობუსების შესყიდვას ელოდება. ვხედავთ, რომ ბიუჯეტში ეს თანხები გათვალისწინებული არ არის და მთლიანობაში, გვაქვს უღიმღამო ბიუჯეტი, რომელშიც კალაძის მრავალწლიანი დაპირებებიც კი სათანადოდ არ არის ასახული.

არსებობს მთელი რიგი მიმართულებები, სადაც არ გვაქვს მნიშვნელოვანი და ამბიციური პროექტები. სამწუხაროდ, ეს ბიუჯეტი ადეკვატურად ვერ პასუხობს იმ უმძიმეს სოციალურ ფონს, რომელიც დედაქალაქში არის და ვერ პასუხობს იმ მზარდ ინფლაციას, რომლის შედეგადაც აბსოლუტურად ყველა საქონელსა და მომსახურებაზე კოლოსალურად იზრდება ფასები.

საჯარო სექტორში ხელფასების ზრდა კარგი და მისასალმებელია, თუმცა ამავე სექტორში გაბერილი შტატები კარგი და მოსაწონი ვერ იქნება. ჩვენ გვაქვს შეთავაზება, რომ მთელი რიგი მიმართულებებით შტატები ოპტიმიზირდეს. იმ ადამიანებისათვის, რომლებიც რეალურად მუშაობენ და რეალურად აკეთებენ თბილისის საქმეს და არა პარტიულ საქმეს, 10%-ზე მეტით გაიზარდოს ხელფასი. ინფლაცია ეხება ყველას, მათ შორის, საჯარო სექტორში მომუშავეებსაც“, - განაცხადა საბა ბუაძემ.

ყველას ნახვა
ყველას ნახვა