გერმანიამ უკრაინაში Leopard-ის ტანკების გაგზავნის გადაწყვეტილება მიიღო - Spiegel
25.01.2023 ნახვები: 588
ხანგრძლივი დებატების შემდეგ გერმანიის კანცლერმა ოლაფ შოლცმა გადაწყვიტა უკრაინას საბრძოლო ტანკები მიეაწოდოს.ამის შესახებ გერმანული ჟურნალი Spiegel იტყობინება, რომელიც მთავრობაში თავის წყაროებს ეყრდნობა.
გადაწყვეტილება მიღებულია: „გერმანია უკრაინას Leopard 2-ს - მთავარ საბრძოლო ტანკებს მიაწვდის“, - ნათქვამია გაბრცელებულ ინფორმაციაში.
ჟურნალის ცნობით, საკითხი Leopard 2 A6 ტანკების მიწოდებას ეხება.
გერმანიის მთავრობა თანახმაა , რომ უკრაინას ტანკები მიაწოდოს პოლონეთმა. როგორც ცნობილია სხვა მოკავშირეებს, მათ შორის სკანდინავიელებს, ასევე სურთ უკრაინას Leopard 2-ი - საბრძოლო ტანკები მიაწოდონ.
საფრანგეთი ასევე განიხილავს ქვეყანაში საბრძოლო ტანკების გაგზავნას, აღნიშნულის გამო პრეზიდენტმა ზელენსკიმ უკვე გადაიუხადა მადლობა საფრანგეთის პრეზიდენტს სატელეფონო საუბრისას.
გერმანიის გადაწყვეტილებას, როგორც ჩანს, წინ უძღოდა რამდენიმე დღიანი ინტენსიური კონსულტაციები მოკავშირეებთან, მათ შორის ვაშინგტონთან. შოლცი ყოველთვის ხაზს უსვამდა, რომ მას სურს საბრძოლო ტანკების მიწოდება მხოლოდ სხვა ქვეყნებთან ერთად, მათ შორის შეერთებული შტატებთან ერთად.
ჟურნალის ცნობით, გერმანული წარმოების Leopard ტანკები, სავარაუდოდ, უკრაინას ბუნდესვერის მარაგებიდან გადაეცემა.
გამოცემა ყურადღებას მიაპყრობს იმ ფაქტს, რომ გერმანიის თავდაცვის მინისტრი ბორის პისტორიუსი სამშაბათს ბერლინში ნატოს გენერალურ მდივანს იენს სტოლტენბერგს შეხვდა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
