საქართველოს საპატრიარქო მართლმადიდებელი ეკლესიის წმიდა სინოდის სხდომის განჩინებას ავრცელებს.
ინფორმაციის თანახმად, სინოდზე ექვსი საკითხი იყო გამოტანილი.
თუმცა მეუფეთა ნაწილი, რომელმაც მედიასთან კომენტარი გააკეთა აცხადებდნენ, რომ სინოდმა სამ სამკითხზე იმსჯელა.
"სინოდის სხდომამ საქართველოს ეკლესიის დიდი ბრიტანეთისა და ირლანდიის ეპარქიაში განვითარებულ მოვლენებზე მოისმინა სრულიად საქართველოს კათოლიკოს-პატრიარქის წინადადება და დაადგინა: - დიდი ბრიტანეთისა და ირლანდიის ეპარქიის ზედამხედველობა დროებით გადაიბაროს სრულიად საქართველოს კათოლიკოს-პატრიარქმა; ხოლო მაღალყოვლადუსამღვდელოესი მთავარეპისკოპოსი ზენონი (იარაჯული) დარჩეს დმანისისა და ლორე-ტაშირის ეპარქიის მმართველ მღვდელმთავრად.", -აღნიშნულია განცხადებაში
