ფიზიკურად თუ მორალურად, ჩემი სტუდენტების გვერდით ვიდგები - რიჟვაძის გადაყენებული მინისტრის მიმართვა სტუდენტებს
12.05.2024 ნახვები: 999
"მთელი ჩემი შეგნებული ცხოვრება სტუდენტებს დავუკავშირე, ერთი დღე არ შემიწყვეტია მათთან ურთიერთობა, ერთი დღე არ მიღალატია ჩემი პროფესიისთვის", -ამის შესახებ სოციალურ ქსელში ბსუს პროფესორი ინგა შამილიშვილი წერს.
"იმის გამო, რომ ბოლო ერთი კვირაა საზღვარგარეთ ვიმყოფები ერთგვარად დისტანცირებული ვიყავი საქართველოში მიმდინარე პროცესებთან, თუმცა მხოლოდ ფიზიკურად, ვინაიდან ისევე განვიცდი როგორც თქვენ და ამაყი ვარ თითოეული თქვენგანით. მთელი ჩემი შეგნებული ცხოვრება სტუდენტებს დავუკავშირე, ერთი დღე არ შემიწყვეტია მათთან ურთიერთობა, ერთი დღე არ მიღალატია ჩემი პროფესიისთვის. ჩემი მთავარი მისია, საგნის სწავლებასთან ერთად, სახელმწიფოებრივი შეგნების მქონე ღირსეული მოქალაქის ჩამოყალიბებაა, რაც საზოგადოებისა და ქვეყნის წინაშე პასუხისმგებლობის გააზრებაა. სწორედ ამ პასუხისმგებლობით ვაცხადებ, რომ ჩვენ ის ღირსეული მომავალი თაობა გვყავს, რომელიც ვერასოდეს შეეგუება თავისუფლების დაკარგვას. დღეს ჩვენ ერთად უნდა გავიაროთ სინათლისკენ მიმავალი ბეწვის ხიდი, მე კი ამ გზაზე, ფიზიკურად თუ მორალურად, ჩემი სტუდენტების გვერდით ვიდგები", - წერს ინგა შამილიშვილი
ცნობისთვის, 2019 წლის 26 მაისს, აჭარის მთავრობის მეთაურმა თორნიკე რიჟვაძემ, (რომელმაც რუსეთისთვის ოკუპანტის დაძახება ვერ გაბედა და ჟურნალისტი "დარგის ექსპერტებთან" გადაამისამართა) ინგა შამილიშვილს, განათლების, კულტურის, სპორტისა და ახალაგზრდობის მინისტრობის პოსტი, იმიტომ დაატოვებინა, რომ დამოუკიდებლობის დღის მარშზე რუსული დროშები გამოჩნდა. მიუხედავად იმისა, რომ შამილიშვილის უწყებასთან ერთად, დღის წესრიგში ბათუმის მერიის პასუხმიგებლობაც უნდა დამდგარიყო ასე არ მოხდა. რუსულ დროშებს მხოლოდ შამილიშვილი შეეწირა. მინისტრის გადაყენებამდე, რამდენიმე დღით ადრე რიჟვაძემ, შამილიშვილს საქმიანობა, ხედვა და მუშაობა დაუწუნა და მას ერთ კვირიანი ვადა მისცა, რომ სამინისტროს საქმიანობის ახალი გეგმა წარედგინა, სწორედ იმიტომ რომ რიჟვაძისა და შამილიშვილის ხედვა ერთმანეთს ვერ ემთხვეოდა და სხვა მიზეზი ვერ მოიძებნებოდა გადაყენებისთვის, რიჟვაძემ "მოგონილი" მიზეზით მინისტრის პორტოფოლიო შამილიშვილს გამოართვა და აჭარის მთავრობის "კარის" იურისტს მაია ხაჯიშვილს გადაულოცა.
რუსული დროშის გამო აჭარის განათლების მინისტრი თანამდებობიდან გადააყენეს
