აშშ-ის სახელმწიფო მდივანმა მარკო რუბიომ გაერო-ში ირანის დელეგაციის წევრებს, მათ შორის ირანის საგარეო საქმეთა მინისტრ აბას არაღჩის, შეერთებული შტატების დატოვება უბრძანა. ინფორმაციას Axios-ი ავრცელებს.
გამოცემის ცნობით, ირანის დელეგაცია აშშ-ში გაერო-ს გენერალური ასამბლეის ფარგლებში იმყოფებოდა. რუბიომ დელეგაციის წევრებს ქვეყნის დატოვება ორშაბათს, მას შემდეგ უბრძანა, რაც მხარეებს შორის მიმდინარე მოლაპარაკებები ჩიხში შევიდა.
Axios-ის წყაროების ინფორმაციით, ორშაბათს თეთრ სახლში ჯერ კიდევ ფიქრობდნენ, რომ დისკუსიებში გარკვეული პროგრესის მიღწევა შესაძლებელი იყო, თუმცა მოგვიანებით გაირკვა, რომ მოლაპარაკებები ჩიხში შევიდა, რადგან პოზიციების დათმობას არცერთი მხარე არ დათანხმდა.
რუბიოს გადაწყვეტილება ირანის საგარეო საქმეთა მინისტრ აბას არაღჩისაც შეეხო.
გამოცემის ცნობით, აშშ-ის სახელმწიფო მდივნის ბრძანების შემდეგ, აბას არაღჩის ხელმძღვანელობით ირანის დელეგაციამ ნიუ-იორკი დატოვა და დოჰაში გაემგზავრა.
