ზელენსკი: რუსეთში ვიზიტის შემდეგ ამერიკულმა დელეგაციამ მნიშვნელოვანი შედეგი ჩამოიტანა
დავით ფეიქრიშვილზე თავდასხმის საქმეზე პენიტენციური სამსახურის ყოფილ ხელმძღვანელებსა და ხუთ პატიმარს ბრალდება წარუდგინეს
მეუფე გიორგი ჯამდელიანი ლაშა ნაცვლიშვილს: საჯაროდ მოიხადეთ ბოდიში და მეუფე იობის წინაშე შენდობა ითხოვეთ
ელენე ხოშტარია: რუსეთის თავდაცვის სამინისტრო საქართველოს მოქალაქეების ომში ჩასართავად რეკლამებს ავრცელებს, ხელისუფლება კი დუმს
ხვიჩა კვარაცხელია მერაბ დვალიშვილსა და საბა ლაზიშვილზე თავდასხმაზე: ლაჩრულად, ზურგიდან მიპარვით შეეცადნენ თქვენს დაჩაგვრას — ქართველებთან ეს არასდროს გამოუვათ
პროკურორი დავით ფეიქრიშვილის განცხადებაზე: ტელეფონები დალუქული იყო, პროკურორს მათთან შეხება არ ჰქონია
საერთო ისტორია და კულტურული კავშირები: ექსპერტებმა ქართულ-რუსული ურთიერთობები განიხილეს
ევა გოცირიძე „ქართულ ოცნებას“: თუ ოპოზიციური პარტიები ისედაც მილევად რეჟიმში არიან, რაში გვჭირდება მათი აკრძალვა?

ლელა ჯეჯელავა: კობახიძის მმართველობამ ივანიშვილს დასავლეთისგან სრული იზოლაცია მოუტანა

ნახვები: 396 ლელა ჯეჯელავა: კობახიძის მმართველობამ ივანიშვილს დასავლეთისგან სრული იზოლაცია მოუტანა

ანალიტიკოსი ლელა ჯეჯელავა „ქართული ოცნების“ ხელისუფლების საგარეო და საშინაო პოლიტიკას აკრიტიკებს და აცხადებს, რომ ირაკლი კობახიძის მმართველობის შედეგად ბიძინა ივანიშვილი დასავლური სამყაროსგან სრულ იზოლაციაში აღმოჩნდა.

„რა სარგებლობა მოუტანა კობახიძის მმართველობამ ბიძინა ივანიშვილს? სრული იზოლაცია დასავლური ცივილიზაციისაგან“, — წერს ჯეჯელავა სოციალურ ქსელში.

მისი შეფასებით, ივანიშვილისთვის ვითარებას ართულებს აშშ-ის სანქციების შენარჩუნება და ევროპარლამენტის მოთხოვნა მისი დასანქცირების შესახებ. ანალიტიკოსი მიიჩნევს, რომ დონალდ ტრამპთან გადაღებული პროტოკოლური ფოტოს ნამდვილობის საკითხი არსებითად ვერაფერს ცვლის, რადგან ეს ივანიშვილის არც პოლიტიკურ და არც ფინანსურ მდგომარეობას არ აუმჯობესებს.

ჯეჯელავა ყურადღებას ამახვილებს ანაკლიის პორტის პროექტზეც. მისი მტკიცებით, ჩინეთის მიერ პროექტზე უარის თქმასა და ტენდერის ჩაშლას საქართველოს საერთაშორისო რეპუტაცია და რეგიონში აშშ-ისა და ევროკავშირის სტრატეგიული ინტერესები უკავშირდება.

ანალიტიკოსი პრობლემურად აფასებს საქართველოს ურთიერთობებს მეზობელ სახელმწიფოებთანაც. მისი აზრით, ბოლო მოვლენები აზერბაიჯანთან ურთიერთობების შესაძლო გართულებაზე მიუთითებს, სომხეთთან მნიშვნელოვანი პროგრესი არ შეინიშნება, ხოლო გაეროს გენერალური ასამბლეის ფარგლებში თურქეთის პრეზიდენტ რეჯეფ თაიფ ერდოღანთან შეხვედრის შესახებ მთავრობის მწირი ინფორმაცია, მისი შეფასებით, არსებითი შედეგის არარსებობაზე მიანიშნებს.

ჯეჯელავა ასევე საუბრობს ქვეყნის შიგნით მზარდ უკმაყოფილებაზე, მათ შორის მმართველი გუნდის მხარდამჭერებს შორის, და სისტემაში არსებულ პრობლემებზე. ის აღნიშნავს, რომ დემონსტრანტების წინააღმდეგ ქიმიური აგენტის შესაძლო გამოყენების საკითხი საერთაშორისო დღის წესრიგიდან არ მოხსნილა.

ანალიტიკოსი დამატებით მიუთითებს აშშ-ში განსახილველ საკანონმდებლო ინიციატივაზე, რომელიც, მისი ვარაუდით, ივანიშვილისთვის არასასურველ შედეგებს შეიძლება უკავშირდებოდეს. იგი ასევე აკრიტიკებს ირანის ელჩთან დაკავშირებულ დიპლომატიურ ვითარებას.

„რაც მთავარია, კობახიძე ამტკიცებს, რომ ეს ყველაფერი ბიძინა ივანიშვილის ძალისხმევით და სურვილით ხდება. წარმატებები, ჩემო პრემიერო, ძალიან გულწრფელად!“ — წერს ლელა ჯეჯელავა.

ყველას ნახვა
ყველას ნახვა
ყველას ნახვა