ჯუანშერ ბურჭულაძე კლინიკა „ჰელსიკორშია“ გადაყვანილი - მას, ბრალს ოფიციალურად, სავარაუდოდ, კლინიკაშივე წაუყენებენ
ემანუელ მაკრონი - გადავწყვიტე Rafale-ის ტიპის სამი გამანადგურებლის განლაგება, რათა ჩვენს მოკავშირეებთან ერთად წვლილი შევიტანო პოლონეთის საჰაერო სივრცისა და ნატო-ს აღმოსავლეთ ფლანგის დაცვაში
ლევან ხაბეიშვილი - 4 ოქტომბერი არის გამარჯვების დღე და ეს ყველას ერთად შეგვიძლია
სოლიდარობას ვუცხადებთ ლევან ხაბეიშვილს, გაბედულ პოლიტიკოსს და ადამიანს - ირაკლი კუპრაძე
გიორგი კონდახიშვილი - ლევან ხაბეიშვილი ამბობს, რომ ძალოვანი სტრუქტურის ყველა თანამშრომელთან მისი შეთავაზება ძალაშია
ივანიშვილი აგრძელებს ქართული დემოკრატიის მკვლელობის მცდელობას -
სალომე ზურაბიშვილი „ქართულ ოცნებას“ - ვის აბრალებთ ქვეყნის ინტერესების წინააღმდეგ კონგრესში გამოსვლას იმ დროს, როცა თქვენი ყოველი ნაბიჯი ახალ სირცხვილად იქცევა?
თინა ბოკუჩავა - „ერთიანი ნაციონალური მოძრაობა“ იწყებს კამპანიას რეგიონებში - ჩავალთ ყველა ქალაქში, ყველა სოფელში, ჩავიტანთ საქართველოს დროშას, ეს დროშა ამაყად იფრიალებს 4 ოქტომბერს

გაქცეული ღმერთი

06.09.2021 ნახვები: 1284

რას განიცდიან ადამიანები, როცა ძალიან ახლობელს, უფრო ზუსტად, სულის ნაწილს კარგავენ?

ზოგი „იკიდებს", ზოგი თამაშობს რომ „კიდია", ზოგი კი იმ უსინათლოს ემსგავსება, მზის შუქზეც რომ ხელების ცეცებით დადის.

ხელების ცეცებით სიარული ჯოჯოხეთური განცდაა, განცდა, რომელიც მუდმივად უკან, წარსულში გექაჩება და წინ წასვლის უფლებას არ გაძლევს.

ჩემი მეგობარიც უსინათლოა - თვალისჩინი მოულოდნელად დაკარგა და მზით განათებულ ჯოჯოხეთში აღმოჩნდა.

იცით, როგორია ეს ჯოჯოხეთი?

ყველაფერი ბრწყინავს, კაშკაშებს... ჯოჯოხეთის ბინადრებიც ჩვეულებრივი ადამიანებივით იქცევიან - ჭამენ, სვამენ, ხანდახან იღიმიან, ხანდახან ტირიან, მაგრამ ყველა ეს ემოცია და ქმედება ყალბია, ყალბია იმიტომ, რომ...
იქაურებს სული არ აქვთ...იქაურებს სული გასტაცეს!..


ჰო, სული ჩემს მეგობარსაც გასტაცეს, გასტაცეს და... უცნაური სიცარიელე იგრძნო. ეს სიცარიელე რღაცნაირად ტკივილს ჰგავს, აი, ისეთ ტკივილს, გულის ჩხვლეტისას რომ გრძნობენ ხოლმე დედამიწელები. მერე, „კორვალჯის" , „კაპტოპრილს" ან რომელინე სხვა იაფფასიან პრეპარატს გადაყლაპავენ, სისტოლურ-დიასტოლური წნევა ნორმაში დგება და გულიც ცემას ისევ რიტმულად იწყებს ხოლმე.

„კაპტოპრილი" თუ „კატაბალახა" მანაც ბევრჯერ და ბევრი დალია, მაგრამ გულის ჩხვლეტის მსგავს სიცარიელეს ვერაფერი მოუხერხა.

და ასე, უსინათლოსავით ხელების ცეცებით დადის ჩემი სულგატაცებული მეგობარი, დადის და ეძებს.

რას ეძებს?

არა, გატაცებულ სულს კი არა, სულისგამტაცებელს ეძებს. აი, იმ ადამიანს, რომელსაც სული ჩააბარა, გული ანდო და ღმერთად აქცია.

ღმერთები კეთილები არიან, მაგრამ ზოგჯერ შეცდომასაც უშვებენ.

ჩემს მეგობარს ეგონა, რომ მისი ღმერთი დაუსრულებლად კეთილი იქნებოდა, მაგრამ ეს კეთილი ზღაპარი მოულოდნელად დასრულდა - ღმერთი სადღაც წავიდა და ჩემი მეგობრის სულიც წაიღო.

...და დადის ჩემი სულგატაცებული მეგობარი, დადის უსინათლოსავით ხელების ცეცებით, დადის და გატაცებულ სულსა და... გაქცეულ ღმერთს ეძებს, ღმერთს, რომელიც ჯერ კიდევ გუშინ მისთვის ყველაზე ახლობელი იყო. დღეს კი - შორეული ახლობელია.

ხანდახან, როცა ვუყურებ, მგონია, რომ ჩემი სულგატაცებული მეგობქრი მე ვარ...

სული მეც ხომ გამტაცეს...

ღმერთი მეც ხომ გამექცა..

ვანო პავლიაშვილი

5 სექტემბერი, 2021 წელი

ყველას ნახვა
ყველას ნახვა