დავით ზალკალიანი პომპეოსთან შეხვერდაზე: „ამერიკა საქართველოს შიდა საქმეებში ვერ ჩაერევა“
18.11.2020 ნახვები: 818
სახელმწიფო კანცელარიაში მაიკ პომპეოსთან შეხვედრაზე საუბარი ქვეყნის შიდა პოლიტიკურ პროცესებზე არ ყოფილა -განაცხადა აშშ-ის სახელმწიფო მდივანთან შეხვედრის შემდეგ საქართველოს საგარეო საქმეთა მინისტრმა, დავით ზალკალიანმა.
„არ ყოფილა მათი მხრიდან პირდაპირი ჩარევა. ეს ჩვენი შიდა პოლიტიკური პროცესია. ის არის ჩვენი სტრატეგიული პარტნიორი, რომელიც მოუწოდებს ყველას, საქართველოში მოქმედ ყველა პოლიტიკურ აქტორს, რომ პროცესები წავიდეს პოლიტიკურ ჭრილში, დარჩეს სამართლებრივ ჩარჩოებში.
რა თქმა უნდა, ამერიკა საქართველოს შიდა საქმეებში ვერ ჩაერევა, არც არის ეს მათი სურვილი. მათი სურვილია, საქართველოში სიტუაცია იყოს სტაბილური, რადგან მხოლოდ განვითარების პირობებში შეუძლია ქვეყანას, გაუჩნდეს ის შესაძლებლობები, რომ გაუმკლავდეს გამოწვევებს", - განაცხადა ზალკალიანმა.
აშშ-ის სახელმწიფო მდივანი, მაიკ პომპეო საქართველოშ 17 ნოემბერს ჩამოვიდა. მაიკ პომპეო შეხვდა სალომე ზურაბიშვილს, გიორგი გახარიას და ილია მეორეს.
