წერეთლის გამზირზე ტრანსპორტის მოძრაობა ორმხრივად აღდგა.
როგორც მერიაში განმარტავენ, დამატებითი სამუშაოები, მარტის თვეში დასრულდება.
სრულად დასრულდა გზაზე ასფალტის საფი ფენა საფარის დაგება და მოირეცხა გზის ნაწილი.
დამატებითი სამუშაოები, ტროტუარის მოწესრიგება და ა.შ. პარალელური რეჟიმით მიმდინარეობს და მარტში დასრულდება.
15 იანვარს თბილისის მერმა კახა კალაძემ მოულოდნელად შეწყვიტა ხელშეკრულებები ორ კონტრაქტორთან, რომლებიც წერეთლის გამზირზე სარეაბილიტაციო სამუშაოებს ატარებდნენ. მერი დაეყრდნო მუნიციპალური ლაბორატორიის დასკვნას.
"სარეაბილიტაციო სამუშაოები მიმდინარეობს უხარისხოდ პროექტთან შეუსაბამოდ. დღეის მდგომარეობით, სამუშაოების ძირითადი ნაწილი დასრულებული არ არის… ვერ კეთდება დაახლოებითი პროგნოზი სამუშაოების დასრულების ვადაზე", - წერია კახა კალაძის ბრძანებაში.
