აშშ-ის გამოძიების ფედერალური ბიუროს ინფორმაციით, დონალდ ტრამპზე თავდამსხმელი მარტო მოქმედებდა.
„ჩვენ ვაგრძელებთ მუშაობას, რათა წვდომა გვქონდეს თავდამსხმელის ტელეფონზე. ტელეფონი ქუანტიკოს ლაბორატორიაშია გადაგზავნილი“, – აცხადებენ გამოძიების ფედერალურ ბიუროში.
ასევე, როგორც ცნობილია, ჯერ არ გამოვლენილა რამე იდეოლოგიური კავშირი თავდასხმასთან. გამოძიება გრძელდება მკვლელობის მცდელობის ბრალდებით, მაგრამ ასევე განიხილება, როგორც პოტენციური შიდა ტერორისტული თავდასხმა. გამოძიებასთან თანამშრომლობს თავდამსხმელის ოჯახიც. იარაღი, რომლითაც დონალდ ტრამპზე განხორციელდა თავდასხმა, ლეგალურად იყო შეძენილი. სამართალდამცველებმა ეჭვმიტანილის მანქანაში იპოვეს საეჭვო მოწყობილობა და მიმდინარეობს მისი გამოკვლევა.
როგორც ცნობილია, ამ დროისთვის გამოძიების ფედერალურ ბიუროს თავდამსხმელის ფსიქიკური ჯანმრთელობის პრობლემების შესახებ ინფორმაცია არ აქვს.
ქალაქ ბატლერში მხარდამჭერებთან შეხვედრისას აშშ-ის ყოფილ პრეზიდენტს, დონალდ ტრამპს ესროლეს. შედეგად ის დაიჭრა, თუმცა მის სიცოცხლეს საფრთხე არ ემუქრება. სროლის დროს დაიღუპა მიტინგის ერთი მონაწილე. კიდევ ორი მძიმე მდგომარეობაშია. აშშ-ის ფედერალური საგამოძიებო სამსახურის ცნობით, პენსილვანიაში მომხდარი დონალდ ტრამპის მკვლელობის მცდელობა იყო. ამასთან, საგამოძიებო სამსახურში განაცხადეს, რომ ტრამპზე თავდასხმაში მონაწილე პირი 20 წლის თომას მეთიუ კრუკსია. ოფიციალური პირების ინფორმაციით, ის განეიტრალებულია.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
