"ჩვენს სერიოზულ შეშფოთებებს საქართველოს ბოლო არჩევნებთან დაკავშირებით ადასტურებს ეუთო/ოდირი თავის საბოლოო დასკვნაში" - ამის შესახებ ნორვეგიის საგარეო საქმეთა მინისტრი პლატფორმა X-ზე წერს.
ესპენ ბარტ ეიდე აღნიშნავს, რომ "როდესაც არჩევნები ხარვეზიანია, დემოკრატია საფრთხის ქვეშაა".
"ჩვენს სერიოზულ შეშფოთებებს საქართველოს ბოლო არჩევნებთან დაკავშირებით ადასტურებს ეუთო/ოდირი თავის საბოლოო დასკვნაში. როდესაც არჩევნები ხარვეზიანია, დემოკრატია საფრთხის ქვეშაა", - წერს ესპენ ბარტ ეიდე.
ეუთოს სადამკვირვებლო მისიამ 26 ოქტომბრის არჩევნებთან დაკავშირებით საბოლოო ანგარიში გამოაქვეყნა. დოკუმენტში ის მძიმე დარღვევებია ასახული, რომელიც დამკვირვებლებმა არჩევნებამდე და არჩევნების შემდეგ დააფიქსირეს.
დასკვნაში საუბარია ხმის ფარულობის დარღვევაზე და ამომრჩეველზე ზეწოლის შესახებ. მძიმე დარღვევის ფონზე, ეუთო რამდენიმე მიმართულებით წერ , რომ ეს არჩევნები ეუთო/ოდირის გაცემული რეკომენდაციებით და სტანდარტებით არ ჩატარებულია.
რაც შეეხება არჩევნების ლეგიტიმურობის ცნობას და შედეგების აღიარებას, ეუთო წერს, რომ ეს არ არის მისი მანდატი.
