ივანიშვილის განცხადება - დიპლომატიურად არაეთიკური ანუ „მტკიცე ლიდერი“ რუსული გეგმის შეფუთვას ცდილობს
მოსამართლე შვანგირაძემ ზურა ჯაფარიძეს სახაზინო ადვოკატი არ დაუნიშნა და დაცვის გარეშე დატოვა
22.05.2025 ნახვები: 305
მოსამართლე ირაკლი შვანგირაძემ ზურა ჯაფარიძეს სახაზინო ადვოკატი არ დაუნიშნა და დაცვის გარეშე დატოვა.
გადაწყვეტილება შვანგირაძემ თათბირის შედეგად მიიღო.
ცნობისთვის, ზურაბ ჯაფარიძის ადვოკატებმა პროტესტის ნიშნად სხდომა დატოვეს, რის შემდეგაც ჯაფარიძემ ადვოკატის დანიშვნა მოითხოვა.
მას შემდეგ, რაც მოსამართლე შვანგირაძემ ჯაფარიძე დაცვის გარეშე დატოვა, დარბაზში მყოფმა ადვოკატმა ქეთი ჩომახაშვილმა განაცხადა, რომ ის დაიცავს, უბრალოდ სჭირდება დრო მასალების გასაცნობად და შესაბამისად, სხდომის გადადება მოითხოვა.
"24 წელია სასამართლოში დავდივარ, არ დამიშვია, რომ დაცვის გარეშე დატოვებდით ბარდებულს. არ მეგონა ასე თუ მოიქცეოდით. როგორც კი დაიწყეთ გამოცხადება გადაწყვეტილების, სანამ განმარტავდით ჩვენ შევთანხმდით. რომ მე ვიყო მისი ადვოკატი,-თქვა ჩომახაშვილმა.
თუმცა, მოსამართლემ ჩომახაშვილის მოთხოვნა არ დააკმაყოფილა და უარი უთხრა ზურაბ ჯაფარიძის დაცვაზე.
“სავალდებულო დაცვა არ სჭირდება“,-თქვა შვანგირაძემ.
მანამდე, მოსამართლე შვანგირაძემ ადვოკატების მოთხოვნა არ დააკმაყოფილა და საქმის განხილვა არ გადადო.
დღეს რამდენიმე შუამდგომლობა დააყენა დაცვის მხარემ პროცესზე, მათ შორის ითხოვეს თეა ე.წ. საგამოძიებო კომისიის თავმჯდომარის, თეა წულუკიანის გამოკითხვა, ასევე შუამდგომლობა დააყენეს პოლიციის მაღალჩინოსნების - ვაჟა სირაძის და სერგი ბზიშვილის დაკითხვასთან დაკავშირებითაც.
