გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
აიათოლა ალი ხამენეი - ისრაელმა საკუთარ თავს მწარე ბედი მოუმზადა
13.06.2025 ნახვები: 451
ირანის უზენაესი ლიდერის, აიათოლა ალი ხამენეის განცხადებით, ისრაელის მიერ ირანის წინააღმდეგ განხორციელებილი თავდასხმები მის „საშინელ ბუნებას“ ავლენს.
„ისრაელი უნდა ელოდოს მკაცრ პასუხს ამ თავდასხმის შემდეგ. დღეს გამთენიისას სიონისტურმა რეჟიმმა საშინელი დანაშაული ჩაიდინა ჩვენს მიწაზე. მან საკუთარი ბოროტი არსი გამოავლინა, როცა საცხოვრებელ უბნებს დაესხა თავს. ახლა ის უნდა ელოდოს მკაცრ სასჯელს. ღმერთის ნებით, ირანის შეიარაღებული ძალების ძლიერი ხელი ამას უპასუხოდ არ დატოვებს. “თავდასხმის შედეგად რამდენიმე ჩვენი გენერალი და მეცნიერი დაიღუპა. მათი საქმე დაუყოვნებლივ გაგრძელდება მათი მემკვიდრეების მიერ. ამ დანაშაულით სიონისტურმა რეჟიმმა საკუთარი მომავლის ბნელი და მტკივნეული ბედი განაჩენად დაიწერა – და ის ამას აუცილებლად მიიღებს,“ - აღნიშნა აიათოლა ალი ხამენეიმ.
ირანის საგარეო საქმეთა სამინისტრომ გაავრცელა განცხადება, რომელშიც ისრაელის მიმდინარე სამხედრო მოქმედებებზე პასუხისმგებლობას ორივეს – ისრაელს და შეერთებულ შტატებს თანაბრად აკისრებს.
„სიონისტური რეჟიმის აგრესიული ქმედებები ირანის წინააღმდეგ შეუძლებელი იქნებოდა შეერთებული შტატების კოორდინაციისა და თანხმობის გარეშე. შესაბამისად, აშშ-ის მთავრობა, როგორც ამ რეჟიმის მთავარი მხარდამჭერი, აგებს პასუხს ისრაელის ავანტიურიზმის საშიშ შედეგებზე”,- ნათქვამია ირანის საგარეო საქმეთა სამინისტროს განცხადებაში.
ამასთან, ირანის შეიარაღებული ძალების პრესსპიკერმა, აბოლფაზლ შეკარჩიმ შეერთებული შტატები ისრაელის მხარდაჭერაში დაადანაშაულა და განაცხადა, რომ აშშ და ისრაელი დარტყმებისთვის „დიდ ფასს“ გადაიხდიან.
„შეიარაღებული ძალები აუცილებლად უპასუხებს ამ სიონისტურ თავდასხმას“, - განაცხადა შეკარჩიმ.
შეგახსენებთ, ისრაელმა ირანის ბირთვულ ობიექტებზე საჰაერო დარტყმები განახორციელა.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
