მსურს განვმარტო აშკარა რამ: არ არსებობს განზრახვა, ფიზიკური ზიანი მივაყენოთ თეირანის მოსახლეობას, როგორც ამას მკვლელი დიქტატორი აკეთებს ისრაელის მოსახლეობის წინააღმდეგ, - ამის შესახებ ისრაელის თავდაცვის მინისტრი, ისრაელ კაცი სოციალურ პლატფორმა X-ზე წერს.
მისი თქმით, თეირანის მცხოვრებლებს იმ ადგილებიდან ევაკუირება მოუწევთ, სადაც ისრაელი სამიზნეებსა და უსაფრთხოების ინფრასტრუქტურაზე თავდასხმას გეგმავს.
„თეირანის მცხოვრებლები იძულებულები იქნებიან, გადაიხადონ დიქტატურის ფასი და მოახდინონ თავიანთი სახლების ევაკუაცია იმ ტერიტორიებიდან, სადაც საჭირო იქნება თეირანში რეჟიმის სამიზნეებსა და უსაფრთხოების ინფრასტრუქტურაზე თავდასხმა. ჩვენ გავაგრძელებთ ისრაელის მცხოვრებლების დაცვას“, - წერს ისრაელ კაცი.
