ისრაელი სპარსულ ენაზე გავრცელებულ მესიჯში ირანელებს, რომლებიც “გაურკვეველ მომავალზე ღელავენ”, “მოსადთან” დაკავშირებას ურჩევს. შესაბამის განცხადებას ისრაელის თავდაცვის ძალები ავრცელებენ.
“ირანის ძვირფასო მოქალაქეებო, გვესმის რეჟიმის მიერ შექმნილ მძიმე პირობებში თქვენი რთული მდგომარეობა. ბოლო დღეებში, ბევრი მესიჯი მივიღეთ ადამიანებისგან, რომლებიც ახლანდელ გაურკვეველ მომავალზე ღელავენ. მათაც კი, ვინც საკუთარ თავს როგორც რეჟიმის უსაფრთხოების ინსტიტუტების წევრებად აიდენტიფიცირებენ, ჩვენთან გამოხატეს თავიანთი შიში, სასოწარკვეთა და სიბრაზე იმაზე თუ რა ხდება ირანში და ისრაელის ოფიციალურ პირებთან დაკავშირება მოგვთხოვეს, რათა ირანმა იგივე ბედი არ გაიზიაროს, რაც ლიბანმა და ღაზამ.
მნიშვნელოვანია იმის დაკონკრეტება, რომ ასეთი მოთხოვნებისთვის შესაბამისი ძალა არ ვართ. მაგრამ მინიმუმი, რისი გაკეთებაც შეგვიძლია, არის ამ ბმულით “მოსადის” ვებგვერდზე მიგმართოთ.
შესაძლოა ახალი გზა იპოვოთ იქ ვითარების გასაუმჯობესებლად”, - ნათქვამია ისრაელის თავდაცვის ძალების განცხადებაში, რომელსაც თან მიბმული აქვს სადაზვერვო სამსახურის (“მოსადის”) საკონტაქტო გვერდის ბმული.
