ალექსეი არესტოვიჩის ინფორმაციით, ომში დაახლოებით 10 000 უკრაინელი სამხედრო დაიღუპა
11.06.2022 ნახვები: 623
უკრაინაში რუსეთის შეჭრიდან 3 ივნისამდე არსებული მონაცემებით, ომში 10 000 უკრაინელი სამხედრო დაიღუპა. ინფორმაციას ამის შესახებ „ბიბისი“ უკრაინის პრეზიდენტის ადმინისტრაციის მრჩეველზე, ალექსეი არესტოვიჩზე დაყრდნობით ავრცელებს.
მისივე თქმით, უკრაინული მხარე ამბობს, რომ ყოველდღიურად ომში დაახლოებით 100 უკრაინელი სამხედრო იღუპება.
ამასთან, არესტოვიჩის განცხადებით, რუსეთის დანაკარგი გაცილებით დიდია. უკრაინის მთავრობის შეფასებით, ომის დაწყებიდან დღემდე დაღუპულია 30 000 რუსი სამხედრო.
რუსეთის მთავრობა დაღუპული სამხედროების შესახებ ოფიციალურ მონაცემებს 25 მარტის შემდეგ არ აქვეყნებს. რუსეთის თავდაცვის სამინისტროს ბოლო მონაცემებით, ომში 1 351 რუსი სამხედრო დაიღუპა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
