აშშ-ის ომის მდივნის თანაშემწის მოადგილე ენდრიუ ლუმისი თბილისში აშშ-ის საელჩოს ხელმძღვანელობასა და საქართველოს თავდაცვის უწყების წარმომადგენლებს შეხვდა. შეხვედრებზე მხარეებმა ორმხრივი თავდაცვითი თანამშრომლობისა და რეგიონული უსაფრთხოების საკითხები განიხილეს.
ყურადღება გამახვილდა საერთო პრიორიტეტებზე, ორმხრივი ინტერესის საკითხებზე თანამშრომლობის გაძლიერებასა და რეგიონში უსაფრთხოებისა და სტაბილურობის ხელშეწყობაზე.
საქართველოს თავდაცვის სამინისტროს ინფორმაციით, 21 სექტემბერს ლუმისი თავდაცვის მინისტრ ირაკლი ჩიქოვანს შეხვდა. საუბარი შეეხო თავდაცვის სფეროში თანამშრომლობის სამომავლო პერსპექტივებს, ქართულ-ამერიკულ ერთობლივ სამხედრო სწავლებებსა და საერთაშორისო მისიებში ორი ქვეყნის სამხედროების მონაწილეობას. ვიზიტის ფარგლებში ლუმისმა შეხვედრები გამართა თავდაცვის მინისტრის პირველ მოადგილე პაატა პატიაშვილთან და თავდაცვის ძალების მეთაურის მოადგილე ირაკლი ჭიჭინაძესთანაც.
