გიორგი ვაშაძემ საპროტესტო აქციები სექტემბერში რატომ დაანონსა – ახლა თავად არის შვებულებაში თუ ვინმე გაუშვა შვებულებაში, – ამის შესახებ პარლამენტის საპროცედურო საკითხთა კომიტეტის თავმჯდომარის მოადგილე გურამ მაჭარაშვილმა განაცხადა.
მისივე თქმით, ვაშაძის განცხადებები არასერიოზულია.
ამასთან, გურამ მაჭარაშვილის განცხადებით, საზოგადოებამ ნახა, რომ ვისაც მთავრობის გადატრიალება და წალეკვა უნდა, მათ სწორი, სახელმწიფოებრივი მიზანი არ აქვთ.
„გიორგი ვაშაძემ საპროტესტო აქციები სექტემბერში რატომ დაანონსა – ახლა თავად არის შვებულებაში თუ ვინმე გაუშვა შვებულებაში? – ამის დაზუსტებას დიდი მნიშვნელობა აქვს, რადგან როცა პოლიტიკოსი ხარ და პოზიცია გაქვს, რომ ქვეყანა იღუპება და გინდა გადაარჩინო, აქციებს აანონსებ ორი თვის შემდეგ, ეს არის არასერიოზული და საზოგადოებისთვის მოჭარბებული მოლოდინები, რასაც საზოგადოება აღარ იჯერებს ხოლმე. ვაშაძის არასერიოზული განცხადებაც აქედან გამომდინარეობს. გიორგი ვაშაძეს დაანონსებულ აქციებზე რამდენი ადამიანი მიდის, არაერთხელ გვაქვს ნანახი. ვისაც მთავრობის გადატრიალება და წალეკვა უნდა, მათ სწორი და სახელმწიფოებრივი მიზანი რომ არ აქვთ, ეს საზოგადოებამ ნახა.
