ზელენსკიმ მადლობა გადაუხადა ემანუილ მაკრონს ტანკების შესახებ „უმნიშვნელოვანესი გადაწყვეტილებისთვის"
25.01.2023 ნახვები: 392
უკრაინის პრეზიდენტმა ვლადიმირ ზელენსკიმ თავის ფრანგ კოლეგასთან ემანუელ მაკრონთან სატელეფონო საუბრისას მადლობა გადაუხადა მას მსუბუქი ტანკების მიწოდებისა და უკრაინის თავდაცვის შესაძლებლობების შემდგომი გაძლიერებისთვის მიღწეული გადაწყვეტილების გამო.
"საფრანგეთის პრეზიდენტ ემანუელ მაკრონთან საუბარში მას მადლობა გადავუხადე უმნიმშვნელოვანესი გადაწყვეტილებისთვის - მსუბუქი ტანკების მოწოდებისა და უკრაინის თავდაცვის შესაძლებლობების შემდგომი გაძლიერებისთვის. ჩვენ ასევე განვიხილეთ დიპლომატიური ნაბიჯები ომის დასასრულებლად", - თქვა ზელენსკიმ.
ზელენსკიმ განსაკუთრებით ხაზი გაუსვა, რომ პარიზის ოლიმპიურ თამაშებზე რუსეთის სპორტსმენებს ადგილი არ უნდა ჰქონდეთ.
შეგახსენებთ, რომ ფრანგული მედია ადრე იტყობინებოდა, რომ საფრანგეთი არ გამორიცხავს უკრაინას მიწოდოს Leclerc-ის ტანკები, მაგრამ კოორდინაციას გაუწევს ამ საკითხს თავის მოკავშირეებთან.
