„სიმულანტი“ - ღარიბაშვილი სააკაშვილის შიმშილობას მასკარადს უწოდებს
19.10.2021 ნახვები: 370
„უნდა, რომ ყველამ ვილაპარაკოთ მის დიეტაზე თუ შიმშილობაზე, ეს არის სამარცხვინო სიტუაცია," - განაცხადა დღეს, 19 ოქტომბერს, პრემიერ-მინისტრმა ირაკლი ღარიბაშვილმა მიხეილ სააკაშვილზე საუბრისას.
ამასთან, პრემიერმა სააკაშვილს სიმულანტი უწოდა.
„ის მასკარადი, ეს არის შეურაცხმყოფელი ქმედება მისი მხრიდან, ცდილობს საზოგადოების მოტყუებას და შეურაცხყოფას აყენებს ჩვენს მოსახლეობას. ეს არის ჩვეულებრივი სიმულანტი, პროფესიონალი აფერისტი კაცი, რომელიც ჯერ გამოდის, ვითომ შიმშილობს, მეორეს მხრივ უნდა, რომ ყველამ ვილაპარაკოთ მის დიეტაზე თუ შიმშილობაზე, ეს არის სამარცხვინო სიტუაცია. დავამთავროთ არჩევნები და გადავიდეთ საქმის კეთებაზე. ყველას სრული პასუხისმგებლობით ვეუბნები, რომ არავის მივცემთ პროვოკაციის მოწყობის საშუალებას, მან ერთხელ უკვე დაანგრია ჩვენი ქვეყანა, მან და მისმა გუნდმა, მელიამ და ყველამ დაჩაგრეს და გაანადგურეს ჩვენი მოსახლეობა, ამის მეორედ უფლებას არავის მივცემთ" - განაცხადა ღარიბაშვილმა.
შეგახსენებთ: მიხეილ სააკაშვილი მე-19 დღეა საპატიმროში შიმშილობს.
