ზელენსკი: რუსეთში ვიზიტის შემდეგ ამერიკულმა დელეგაციამ მნიშვნელოვანი შედეგი ჩამოიტანა
დავით ფეიქრიშვილზე თავდასხმის საქმეზე პენიტენციური სამსახურის ყოფილ ხელმძღვანელებსა და ხუთ პატიმარს ბრალდება წარუდგინეს
მეუფე გიორგი ჯამდელიანი ლაშა ნაცვლიშვილს: საჯაროდ მოიხადეთ ბოდიში და მეუფე იობის წინაშე შენდობა ითხოვეთ
ელენე ხოშტარია: რუსეთის თავდაცვის სამინისტრო საქართველოს მოქალაქეების ომში ჩასართავად რეკლამებს ავრცელებს, ხელისუფლება კი დუმს
ხვიჩა კვარაცხელია მერაბ დვალიშვილსა და საბა ლაზიშვილზე თავდასხმაზე: ლაჩრულად, ზურგიდან მიპარვით შეეცადნენ თქვენს დაჩაგვრას — ქართველებთან ეს არასდროს გამოუვათ
პროკურორი დავით ფეიქრიშვილის განცხადებაზე: ტელეფონები დალუქული იყო, პროკურორს მათთან შეხება არ ჰქონია
საერთო ისტორია და კულტურული კავშირები: ექსპერტებმა ქართულ-რუსული ურთიერთობები განიხილეს
ევა გოცირიძე „ქართულ ოცნებას“: თუ ოპოზიციური პარტიები ისედაც მილევად რეჟიმში არიან, რაში გვჭირდება მათი აკრძალვა?

საბაზისო პროდუქტებზე ფასების შესადარებლად ახალი პორტალი – „ელექტრონული კალათა“ ამოქმედდა

ნახვები: 329 საბაზისო პროდუქტებზე ფასების შესადარებლად ახალი პორტალი – „ელექტრონული კალათა“ ამოქმედდა

საქართველოს კონკურენციისა და მომხმარებლის დაცვის სააგენტომ (GCCA) საოჯახო კალათის პროგრამაში შემავალი საბაზისო პროდუქტების ფასების მონიტორინგისთვის ახალი საინფორმაციო პორტალი – ekalata.gov.ge წარადგინა.

სააგენტოს ინფორმაციით, პლატფორმა მომხმარებლებს საშუალებას მისცემს ერთ სივრცეში გაეცნონ სხვადასხვა სავაჭრო ქსელში მოქმედ საუკეთესო შეთავაზებებსა და ფასებს. პორტალზე წარმოდგენილი იქნება საოჯახო კალათაში შემავალი 13 საბაზისო სასურსათო პროდუქტის ფასები, რომლებიც 12 მსხვილ სავაჭრო ქსელშია ხელმისაწვდომი.

GCCA-ის თავმჯდომარის, ირაკლი ლექვინაძის განცხადებით, პროექტის მთავარი მიზანი მომხმარებელთა ინფორმირებულობის გაზრდა და ბაზარზე არსებული შეთავაზებების გამჭვირვალობის უზრუნველყოფაა. მისი თქმით, პლატფორმა ასევე ხელს შეუწყობს FMCG სექტორში კონკურენციის გაძლიერებას და მოქალაქეებს ინფორმირებული არჩევანის გაკეთების შესაძლებლობას მისცემს.

პორტალის საშუალებით მომხმარებლები შეძლებენ არა მხოლოდ სხვადასხვა ქსელში არსებული ფასების შედარებას, არამედ საკუთარი კალათის შექმნასაც, სადაც ავტომატურად აისახება შერჩეული პროდუქციის ჯამური ღირებულება.

სააგენტოს ინფორმაციით, პროგრამაში ჩართული სავაჭრო ქსელები ვალდებული იქნებიან ყოველკვირეულად მიაწოდონ მონაცემები საბაზისო პროდუქტებზე არსებული საუკეთესო შეთავაზებების შესახებ, რის საფუძველზეც ინფორმაცია ვებგვერდზე რეგულარულად განახლდება.

GCCA-ში აცხადებენ, რომ მომავალში პროექტის გაფართოებაც იგეგმება, მათ შორის სპეციალური მობილური აპლიკაციის შექმნა და საუკეთესო შეთავაზებების შესახებ ინფორმაციის გავრცელება სხვადასხვა მედიაარხით.

ცნობისთვის, კონკურენციისა და მომხმარებლის დაცვის სააგენტო FMCG სექტორის მონიტორინგს 2023 წლიდან ახორციელებს. სააგენტოს შეფასებით, 2025 წელს ბაზრის მოცულობამ 14 მილიარდ ლარს მიაღწია, ხოლო ორგანიზებული ბაზრის წილმა 64 პროცენტი შეადგინა.

ყველას ნახვა
ყველას ნახვა
ყველას ნახვა