პარლამენტმა „ადმინისტრაციულ სამართალდარღვევათა კოდექსში“ შეტანილი ცვლილებებით საგზაო-სატრანსპორტო შემთხვევის შედეგად მწვანე ნარგავების დაზიანებისა და განადგურებისთვის დაწესებული სანქციები შეამსუბუქა.
მიღებული ცვლილებების თანახმად, მუნიციპალიტეტების ადმინისტრაციულ საზღვრებში მწვანე ნარგავების დაზიანებისთვის ჯარიმა 2 000 ლარის ნაცვლად 500 ლარი იქნება, ხოლო განმეორებითი დარღვევისთვის – 5 000 ლარის ნაცვლად 1 000 ლარი.
თბილისის შემთხვევაში სანქცია 5 000 ლარიდან 500 ლარამდე მცირდება, ხოლო განმეორებით ჩადენილი დარღვევისთვის ჯარიმა 10 000-ის ნაცვლად 1 000 ლარი განისაზღვრება.
ცვლილებები პარლამენტმა მესამე მოსმენით, 80 ხმით მიიღო.
