ევროკომისია განიხილავს მოდელს, რომლის მიხედვითაც კანდიდატ ქვეყნებს ევროკავშირის ერთიან ბაზარზე ნაწილობრივი წვდომა სრულუფლებიან წევრობამდე ექნებათ. ინფორმაციას POLITICO ავრცელებს.
გამოცემის ცნობით, ინიციატივა განსაკუთრებით მნიშვნელოვანია ისეთი ქვეყნებისთვის, როგორიცაა უკრაინა, რომლის ევროკავშირში გაწევრიანებას, მიუხედავად ძლიერი პოლიტიკური მხარდაჭერისა, სავარაუდოდ, კიდევ წლები დასჭირდება.
გეგმის თანახმად, კანდიდატ ქვეყნებს ეტაპობრივად შეეძლებათ ისარგებლონ ევროკავშირის გარკვეული პროგრამებით, დაფინანსებითა და სავაჭრო შეღავათებით, რაც აქამდე ძირითადად მხოლოდ სრულუფლებიანი წევრებისთვის იყო ხელმისაწვდომი.
POLITICO-ს ინფორმაციით, შეღავათების მოცულობა თითოეული ქვეყნის მიერ განხორციელებულ რეფორმებსა და ევროკავშირის წესებთან შესაბამისობის დონეზე იქნება დამოკიდებული.
წყარო: POLITICO.
