საქართველოს პრემიერ-მინისტრის, ირაკლი კობახიძე განცხადებით, თბილისის შემოვლითი გზის მშენებლობა რამდენიმე ეტაპად განხორციელდება და პროექტი სრულად 2030 წელს დასრულდება.
პარლამენტში სამთავრობო პროგრამის შესრულების ანგარიშის წარდგენისას კობახიძემ აღნიშნა, რომ მეორე და მესამე ლოტების მშენებლობა 2026 წელს დაიწყება, ხოლო მეოთხე და მეხუთე ლოტებზე სამუშაოები 2027 წლის დასაწყისში დაიწყება.
„მეორე ლოტის მშენებლობა დაიწყება 2026 წელს და 2030 წელს დასრულდება. მესამე ლოტი ასევე წელს დაიწყება და 2030 წელს დასრულდება. მეოთხე და მეხუთე ლოტები დაიწყება 2027 წლის დასაწყისში და დასრულდება 2029 წლის ბოლოს. მთლიანად, 2030 წლისთვის თბილისის შემოვლითი გზა დასრულებული იქნება“, – განაცხადა კობახიძემ.
პრემიერის თქმით, პროექტს განსაკუთრებული მნიშვნელობა აქვს როგორც თბილისისთვის, ისე მთლიანად აღმოსავლეთ-დასავლეთის სატრანზიტო დერეფნის გამტარუნარიანობის გაზრდისთვის.
