უკრაინის პრეზიდენტის, ვოლოდიმირ ზელენსკის განცხადებით, უკრაინა ამჟამად წელიწადში 10 მილიონ დრონს აწარმოებს და ამ მაჩვენებლის 20 მილიონამდე გაზრდას გეგმავს. ამის შესახებ უკრაინული მედიის ინფორმაციით, ზელენსკიმ კიევში, უკრაინის სახელმწიფოებრიობის დღისადმი მიძღვნილ ღონისძიებაზე განაცხადა.
მისი თქმით, როდესაც პირველად წელიწადში 1 მილიონი დრონის წარმოების გეგმაზე ისაუბრა, ამ განცხადებას ქვეყნის შიგნითაც და მის ფარგლებს გარეთაც სკეპტიკურად შეხვდნენ.
„მახსოვს, პირველად საჯაროდ გამოვაცხადე სახელმწიფოს გეგმა: წელიწადში 1 მილიონი დრონი. ყველგან დიდი სკეპტიციზმი იყო, როგორც ქვეყნის შიგნით, ასევე მის გარეთ. ახლა კი შეგვიძლია განვაცხადოთ: ჩვენ წელიწადში 10 მილიონ დრონს ვაწარმოებთ. 10-ს და იქნება 20“, – განაცხადა ზელენსკიმ.
მისივე თქმით, წარმოების გაორმაგებას უკრაინა საერთაშორისო პარტნიორებთან თანამშრომლობით შეძლებს.
ცნობისთვის, ივნისში ნატო-ს საპარლამენტო ასამბლეის საგაზაფხულო სესიაზე უკრაინის თავდაცვის მინისტრის მოადგილემ, მსტისლავ ბანიკმა, განაცხადა, რომ უკრაინის თავდაცვის ინდუსტრიას მნიშვნელოვანი საწარმოო პოტენციალი აქვს და პარტნიორებს ძირითადი სამხედრო პროგრამების დაფინანსებისა და მხარდაჭერის გაზრდისკენ მოუწოდა
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
