აშშ-ის პრეზიდენტის დონალდ ტრამპის განცხადებით, შეერთებული შტატები ირანში „დიდ გამარჯვებას“ აღწევს და მისი შედეგები მალე გახდება თვალსაჩინო. ამის შესახებ ტრამპმა თეთრი სახლიდან ამერიკელი ხალხისადმი მიმართვისას განაცხადა.
ტრამპის თქმით, აშშ მსოფლიოში ყველაზე ძლიერი სამხედრო ძალით სარგებლობს, რომელიც, მისი მტკიცებით, მისი პირველი საპრეზიდენტო ვადის განმავლობაში გაძლიერდა.
„ჩვენ გვყავს მსოფლიოში ყველაზე ძლიერი და ძლევამოსილი სამხედრო ძალები. მე ის ჩემი პირველი ვადის განმავლობაში შევქმენი და, სამწუხაროდ, ახლა იძულებულნი ვართ გამოვიყენოთ“, – განაცხადა ტრამპმა.
აშშ-ის პრეზიდენტმა ასევე აღნიშნა, რომ ირანში მიმდინარე სამხედრო ოპერაციები წარმატებით მიმდინარეობს.
„ირანში დიდ გამარჯვებას ვაღწევთ და თქვენ ამ შრომის ნაყოფს ძალიან, ძალიან მალე იხილავთ“, – განაცხადა დონალდ ტრამპმა.
ცნობისთვის, ოფიციალური ინფორმაციით, აშშ-ის შეიარაღებული ძალები უკვე ზედიზედ მეექვსე ღამეა ირანის ტერიტორიაზე საჰაერო დარტყმებს ახორციელებენ.
