აშშ-ის შეიარაღებული ძალების გაერთიანებული შტაბების თავმჯდომარის, გენერალ დენ კეინის განცხადებით, უკრაინულმა F-16-ის ტიპის გამანადგურებელმა საჰაერო ბრძოლაში რუსული სამხედრო თვითმფრინავი პირველად ჩამოაგდო.
კონგრესში მოსმენისას კეინმა აღნიშნა, რომ უკრაინა საკუთარი სამხედრო შესაძლებლობების გაძლიერებას აგრძელებს და ამ პროცესში მნიშვნელოვანი როლი ქვეყნის თავდაცვით ინდუსტრიას აქვს.
„მსურს ხაზი გავუსვა იმ წარმოუდგენელ სამუშაოს, რომელსაც უკრაინის სამრეწველო ბაზა საკუთარი შესაძლებლობების გაფართოების თვალსაზრისით ასრულებს. ეს მოიცავს როგორც მიწა-ჰაერის, ისე ჰაერი-ჰაერის კლასის შესაძლებლობებს“, – განაცხადა გენერალმა.
მისი თქმით, ეს პირველი შემთხვევაა, როდესაც უკრაინულმა F-16-მა რუსული ავიაგამანადგურებელი საჰაერო ბრძოლაში გაანადგურა.
„ცოტა ხნის წინ პირველი საჰაერო ბრძოლის მოწმეები გავხდით, რომელშიც უკრაინულმა F-16-მა რუსული ავიაგამანადგურებელი ჩამოაგდო. ბოლო წლებში უკრაინამ პარტნიორების მხარდაჭერით თავისი მრავალშრიანი საჰაერო თავდაცვის სისტემა მნიშვნელოვნად გააძლიერა“, – აღნიშნა კეინმა.
სენატორების კითხვაზე, რუსეთ-უკრაინის ომში ვის გამარჯვებას ისურვებდა, გენერალმა უპასუხა:
„მსურს, რომ უკრაინამ გაიმარჯვოს.“
კიდევ ერთ კითხვაზე, მიიჩნევს თუ არა რუსეთს აშშ-ის მეგობრად, კეინმა განაცხადა:
„ვფიქრობ, ეს რთული ურთიერთობაა. არ მიმაჩნია, რომ ისინი ჩვენი მეგობრები არიან.“
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
