მიხეილ სააკაშვილი: შეწყდეს უაზრო ბლუყუნი „შეცდომებზე“ და „გადაცდომებზე“ – ჩვენი ღონისძიებების შედეგად ხალხს წყნარად ეძინა
კაია კალასი: ევროკავშირი რუსეთის ჯარების გაყვანას ყველა იმ ქვეყნიდან მოითხოვს, სადაც ისინი ამჟამად იმყოფებიან
Fire breaks out near two oil depots in Russia's Azov following drone attack – media
War update: 141 clashes on front lines over past day, Kostiantynivka axis hottest
ურსულა ფონ დერ ლაიენი: ევროპა უკრაინის სამშვიდობო მოლაპარაკებებში მჭიდროდ ჩაერთვება – რუსეთზე მაქსიმალურ ზეწოლას შევინარჩუნებთ
Europe to engage in Ukraine peace talks and ensure maximum pressure on Russia – von der Leyen
Ukraine disables over 55% of Russia’s oil refining capacity – Zelensky
Ukraine and EU preparing winter emergency support package – PM Koretskyi

გიორგი მელაშვილი: „ქართულმა ოცნებამ“ საქართველოდან ორი გერმანული ფონდი გააძევა და ქვეყანა ბელარუსის, რუსეთისა და აზერბაიჯანის „კლუბს“ შეუერთა

ნახვები: 488 გიორგი მელაშვილი: „ქართულმა ოცნებამ“ საქართველოდან ორი გერმანული ფონდი გააძევა და ქვეყანა ბელარუსის, რუსეთისა და აზერბაიჯანის „კლუბს“ შეუერთა

 

ევროპულ-ქართული ინსტიტუტის დამფუძნებელი გიორგი მელაშვილი კონრად ადენაუერის ფონდისა (KAS) და ფრიდრიხ ნაუმანის ფონდის (FNF) საქართველოში საქმიანობის შეწყვეტას ეხმაურება და აცხადებს, რომ ხელისუფლების პოლიტიკის შედეგად ქვეყანას ორი გერმანული ფონდი ტოვებს.

მისი შეფასებით, აღნიშნული ორგანიზაციები ათწლეულების განმავლობაში საქართველოში დემოკრატიული ინსტიტუტების გაძლიერებას, ახალგაზრდების განათლებასა და დასავლეთთან კავშირების გაღრმავებას უწყობდნენ ხელს.

„ქართულმა ოცნებამ საქართველოდან გააგდო ორი გერმანული ფონდი – კონრად ადენაუერის ფონდი (KAS) და ფრიდრიხ ნაუმანის ფონდი (FNF).

ათწლეულების განმავლობაში გერმანული ფონდები საქართველოში იმას აკეთებდნენ, რაც ყველა ქართველის, პატრიოტის ინტერესებში იყო – აძლიერებდნენ დემოკრატიულ ინსტიტუტებს, ეხმარებოდნენ ახალგაზრდებს განათლების მიღებაში, აღრმავებდნენ ჩვენი სამშობლოს კავშირებს დასავლეთთან და გვეხმარებოდნენ უკეთესი საქართველოს აშენებაში.

გაგდების გადაწყვეტილებას არაფერი აქვს საერთო ფონდების პროგრამებთან თუ მათ შინაარსთან – „ოცნებამ“ იგრძნო, რომ ეს ფონდები მისი ავტორიტარული, თვითნებური მმართველობისთვის საფრთხე იყო.

გერმანული ფონდები გააგდეს იმ დროს, როდესაც ხელისუფლება ბელარუსთან მეგობრობას და თანამშრომლობას აღრმავებს. მინსკთან ურთიერთობა თბება, ბერლინთან, ვაშინგტონთან და ბრიუსელთან კი ხიდებს ანგრევენ.

ბელარუსი, რუსეთი, აზერბაიჯანი – ამ ქვეყნებმა გააგდეს გერმანული ფონდები. ამ „კლუბს“ „ქართულმა ოცნებამ“ საქართველო დაუმატა. ლუკაშენკოს ბელარუსში დამოუკიდებელი ფონდები და სამოქალაქო საზოგადოება საფრთხედ მიიჩნევა – დღეს ასეთივე ავტორიტარიზმს საქართველოში „ქართული ოცნება“ ამკვიდრებს.

მხოლოდ დამოუკიდებელი საქართველოს მტერს თუ შეუძლია, გააძევოს ქვეყნიდან ისინი, ვინც უკეთესი საქართველოს აშენებაში გვეხმარება.

ცალკე, განსაკუთრებული მადლობა მინდა გადავუხადო ნაუმანის ფონდს. FNF ყოველთვის გვერდით გვედგა და უდიდესი დახმარება გაუწია ასობით ქართველ სტუდენტს.

ბევრი ახალგაზრდა სწორედ ამ თანამშრომლობის წყალობით გახდა უფრო ძლიერი, ინფორმირებული, თავდაჯერებული და... თავისუფალი.

მადლობა ყველაფრისთვის.

თავისუფალი საქართველო ამას არასოდეს დაივიწყებს“, – წერს გიორგი მელაშვილი.

ყველას ნახვა
ყველას ნახვა
ყველას ნახვა