მიხეილ სააკაშვილი: შეწყდეს უაზრო ბლუყუნი „შეცდომებზე“ და „გადაცდომებზე“ – ჩვენი ღონისძიებების შედეგად ხალხს წყნარად ეძინა
კაია კალასი: ევროკავშირი რუსეთის ჯარების გაყვანას ყველა იმ ქვეყნიდან მოითხოვს, სადაც ისინი ამჟამად იმყოფებიან
Fire breaks out near two oil depots in Russia's Azov following drone attack – media
War update: 141 clashes on front lines over past day, Kostiantynivka axis hottest
ურსულა ფონ დერ ლაიენი: ევროპა უკრაინის სამშვიდობო მოლაპარაკებებში მჭიდროდ ჩაერთვება – რუსეთზე მაქსიმალურ ზეწოლას შევინარჩუნებთ
Europe to engage in Ukraine peace talks and ensure maximum pressure on Russia – von der Leyen
Ukraine disables over 55% of Russia’s oil refining capacity – Zelensky
Ukraine and EU preparing winter emergency support package – PM Koretskyi

ეპისკოპოსი გიორგი ჯამდელიანი გიორგი დავითაძის საქმეზე: ბოროტებაზე დუმილი და უმოქმედობა საზოგადოებას თანამოზიარედ აქცევს

ნახვები: 363 ეპისკოპოსი გიორგი ჯამდელიანი გიორგი დავითაძის საქმეზე: ბოროტებაზე დუმილი და უმოქმედობა საზოგადოებას თანამოზიარედ აქცევს

 

მარნეულისა და ჰუჯაბის ეპისკოპოსი გიორგი ჯამდელიანი მსჯავრდებულ გიორგი დავითაძის მიერ N6 პენიტენციურ დაწესებულებაში სავარაუდო სექსუალური ძალადობის შესახებ გაკეთებულ განცხადებას ეხმაურება და შესაბამის უწყებებს დაუყოვნებლივი, დამოუკიდებელი და მიუკერძოებელი გამოძიებისკენ მოუწოდებს.

ეპისკოპოსის განცხადებით, გავრცელებული ინფორმაცია „უკიდურესად შემაშფოთებელია“ და თუ პატიმრის მიერ გაჟღერებული ბრალდებები დადასტურდება, საქმე ადამიანის უფლებების მძიმე დარღვევასთან გვექნება.

„თითოეული ადამიანი შექმნილია ღვთის ხატად და მსგავსად და პატიმრობა არ ნიშნავს ადამიანის ღირსებისა და ფუნდამენტური უფლებების შელახვას. სახარებაში ქრისტე მაცხოვარი ბრძანებს: „საპყრობილესა ვიყავ და მოხვედით ჩემდა“ (მათე 25:36).

ბოროტებაზე დუმილი და უმოქმედობა თანამოზიარედ აქცევს საზოგადოებას! ნებისმიერ პირს, მათ შორის თავისუფლებააღკვეთილ ადამიანს, აქვს უფლება, იყოს დაცული ძალადობის, დამცირებისა და არაადამიანური მოპყრობისგან.

თუ პატიმრის მიერ გაკეთებული განცხადებები დადასტურდება, საქმე გვექნება ადამიანის უფლებების მძიმე დარღვევასთან და შესაბამისმა პირებმა უმკაცრესად უნდა აგონ პასუხი. არცერთ ხელისუფლებას, მიუხედავად მისი ძალაუფლებისა, არ აქვს უფლება, გადააბიჯოს ადამიანის ღირსებას.

მოვუწოდებ შესაბამის უწყებებს, დაუყოვნებლივ დაიწყონ მიუკერძოებელი, დამოუკიდებელი და გამჭვირვალე გამოძიება!

ამ საქმეში მთავარი უნდა იყოს სიმართლის დადგენა და დაზარალებული ადამიანის უფლებებისა და ღირსების დაცვა ყოველგვარი ზეწოლის, დამალვის ან ანგარიშსწორების გარეშე.

2012 წლის გამოცდილებამ გვაჩვენა, რამდენად მძიმე შედეგი შეიძლება მოჰყვეს ძალადობის უგულებელყოფას ან დამალვას!“ – წერს ეპისკოპოსი გიორგი ჯამდელიანი სოციალურ ქსელში.

ცნობისთვის, მსჯავრდებულმა გიორგი დავითაძემ თბილისის სააპელაციო სასამართლოში განაცხადა, რომ N6 პენიტენციურ დაწესებულებაში ბადრაგის თანამშრომლების მხრიდან სექსუალური ძალადობის მსხვერპლი გახდა. მისი მტკიცებით, შემთხვევა დეესკალაციის ოთახში მოხდა, მასში რამდენიმე პირი მონაწილეობდა და „ყველაფერი კამერებში ჩანს“.

სპეციალური პენიტენციური სამსახური ბრალდებას უარყოფს და მას დეზინფორმაციას უწოდებს. უწყების განცხადებით, დავითაძის მიმართ „არათუ სექსუალური, არამედ არანაირი სახის ძალადობას არ ჰქონია ადგილი“.

ყველას ნახვა
ყველას ნახვა
ყველას ნახვა