უკრაინის შეიარაღებული ძალების მთავარსარდალი ვალერი ზალუჟნი აცხადებს, რომ უკრაინამ ბრძოლის ველზე სიტუაციის დასტაბილურება შეძლო. უკრაინული მედიის ცნობით, ამის შესახებ ზალიჟნიმ აშშ-ის შეიარაღებული ძალების შტაბების უფროსთა კომიტეტის თავმჯდომარეს, გენერალ მარკ მილის განუცხადა.
ზალუჟნის შეფასებით, ამჟამად ბრძოლის ველზე სიტუაცია რთული და დაძაბულია, თუმცა სრულად კონტროლდება.
„ჩვენ შევძელით სიტუაციის დასტაბილურება. ის რთული, დაძაბულია, თუმცა სრულად კონტროლდება. თავდაცვითი ხაზებისა და პოზიციების შენარჩუნების ხელშემწყობი მნიშვნელოვანი ფაქტორი არის М142 HIMARS-ის დროული ჩამოსვლა, რომლებიც დამიზნებულ დარტყმებს აყენებს მტრის მართვის პუნქტებზე, საბრძოლო აღჭურვილობისა და საწვავის საწყობებზე“, – აღნიშნავს ზალუჟნი.
უკრაინის შეიარაღებული ძალების მთავარსარდლის განცხადებით, მან ამერიკელ კოლეგას ოპერატიული მდგომარეობის შესახებ მიაწოდა ინფორმაცია. როგორც ზალუჟნიმ აღნიშნა, უკრაინის თავდაცვის საკონტაქტო ჯგუფის შეხვედრის წინ მან და მარკ მილიმ უკრაინული მხარის საჭიროებები განიხილეს.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
