აშშ-ის წარმომადგენელთა პალატის სპიკერმა ნენსი პელოსმა ენტონი ბლინკენს რუსეთის ტერორიზმის სპონსორ სახელმწიფოდ აღიარებისკენ მოუწოდა. ინფორმაციას „პოლიტიკო“ საკუთარ წყაროზე დაყრდნობით ავრცელებს.
როგორც „პოლიტიკო“ იტყობინება, კონგრესმა აშშ-ის სახელმწიფო მდივანს სხვა ქვეყნის ტერორიზმის სპონსორ სახელმწიფოდ გამოცხადების უფლება მიანიჭა. გამოცემის თქმით, აღნიშნულთან დაკავშირებით, სახელმწიფო დეპარტამენტსა და კონგრესში ჯერჯერობით კომენტარი არ გაუკეთებიათ.
კონგრესში მიიჩნევენ, რომ მსგავსი გადაწყვეტილების მიღება სახელმწიფო დეპარტამენტის გარეშეც შეუძლიათ, რითაც დამოუკიდებლად გაზრდიან ზეწოლას რუსეთის პრეზიდენტ ვლადიმერ პუტინზე.
„არ არსებობს სამართლებრივი მიზეზი, რის გამოც კონგრესი ვერ მიიღებს კანონს, რომელიც ფაქტობრივად აღიარებს რუსეთს ტერორიზმის სპონსორ სახელმწიფოდ. კონგრესის მიერ მსგავსი კანონმდებლობის მიღება უფრო რთული გზაა, ვიდრე ამას სახელმწიფო მდივანი გააკეთებდა, მაგრამ ეს მისცემს ბაიდენის ადმინისტრაციას პოლიტიკურ საფარს, რომელიც საჭიროა ეკონომიკური ზეწოლისა და პუტინის წინააღმდეგ რიტორიკის გასაძლიერებლად“, – განაცხადა კონგრესის წარმომადგენელმა.
„პოლიტიკოს“ ინფორმაციით, მაისში ორივე პარტიის სენატორებმა ლინდსი გრეჰემმა და რიჩარდ ბლუმენტალმა წარადგინეს კანონპროექტი, რომელიც რუსეთს როგორც ტერორისტულ აქტებში მონაწილედ განსაზღვრავს, მაგრამ დოკუმენტი ბლინკენს მოუწოდებს რუსეთის ტერორიზმის სპონსორ სახელმწიფოდ ოფიციალურად გამოცხადებისკენ. მსგავსი რეზოლუცია ასევე წარედგინა წარმომადგენელთა პალატას.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
