მსოფლიო ბირთვული საფრთხის წინაშე დგას, რომლის მსგავსი ცივის ომის შემდეგ არ ყოფილა, – ამის შესახებ გაერო-ს გენერალურმა მდივანმა ანტონიო გუტერეშმა გაერო-ში, ბირთვული გაუვრცელებლობის შესახებ გამართულ მოლაპარაკებებზე განაცხადა.
გაერო-ს ხელმძღვანელის თქმით, უკრაინის ომის შედეგად, ასევე აზიიდან და ახლო აღმოსავლეთიდან წარმოქმნილი საფრთხეების გამო, მსოფლიოს მხოლოდ ერთი გაუგებრობა, ერთი არასწორი გათვლა აშორებს ბირთვულ განადგურებამდე.
„ჩვენ აქამდე არაჩვეულებრივად იღბლიანები ვიყავით, მაგრამ იღბალი არ არის სტრატეგია. არც ფარი არ არის გეოპოლიტიკური დაძაბულობისგან დასაცავად, რომელიც ბირთვული კონფლიქტისკენ მიემართება“, – აღნიშნა ანტონიო გუტერეშმა.
