უკრაინის საგარეო საქმეთა მინისტრი დმიტრო კულება გერმანიის ბუნდესტაგის ვიცე-სპიკერის განცხადებას გამოეხმაურა, რომელმაც მოუწოდა გერმანიას, გახსნას „ჩრდილოეთის ნაკადი 2“-ის მილსადენი, რათა ზამთრამდე გერმანიამ მარაგის შევსება მოახერხოს, შემდეგ კი ისევ შეაჩეროს მისი მუშაობა.
უკრაინის საგარეო საქმეთა მინისტრი ამ განცხადებას სრულიად არარაციონალურს უწოდებს.
„ეს მაგონებს ნარკომანიას, როცა ადამიანი ამბობს, „ბოლოჯერ“. რომელიც ვერ აცნობიერებს დამანგრეველ შედეგს ვერც ერთი „ბოლო მცდელობის დროს“. რუსულ გაზზე დამოკიდებულება კლავს“, – წერს კულება მიკრობლოგ „ტვიტერში“.
უკრაინაში რუსეთის შეჭრის შემდეგ გერმანიის მთავრობამ „ჩრდილოეთ ნაკადი 2“-ის მილსადენის ამუშავება შეაჩერა. ბუნდესტაგის ვიცე-სპიკერის აზრით კი, მილსადენი სასწრაფოდ უნდა ამუშავდეს, რათა მოსახლეობა ზამთარში არ გაიყინოს.
„ჩრდილოეთის ნაკადი 2“-ის მილსადენი რაც შეიძლება სწრაფად უნდა გავხსნათ, რათა შევავსოთ ზამთრისთვის მარაგი“, – განაცხადა კუბინკოვმა ერთ-ერთ ინტერვიუში.
