ეკონომიკისა და მდგრადი განვითარების სამინისტრო საერთაშორისო პარტნიორებთან ერთად ფორუმს მართავს სახელწოდებით „დიაგონალური კუმულაცია საქართველოს, თურქეთსა და ევროკავშირს შორის – სავაჭრო და საინვესტიციო შესაძლებლობები“. ფორუმზე საუბარი საქართველოში არსებულ საინვესტიციო და ბიზნეს გარემოს შეეხება.
როგორც ეკონომიკის მინისტრმა, ლევან დავითაშვილმა განაცხადა, ღონისძიებაზე საქართველოსა და თურქეთს შორის ინვესტიციების დამატებით შესაძლებლობებს განიხილავენ.
„დღეს ძალიან მნიშვნელოვანი კონფერენცია იმართება საქართველოში, რომელიც საქართველოსა და თურქეთს შორის ინვესტიციების დამატებით შესაძლებლობებს განიხილავს. იცით, რომ საქართველომ, თურქეთმა და ევროკავშირმა 2021 წლის აპრილში მოახერხეს ინვაზიური დიაგონალური კომულაციის შესახებ შეთახმების მიღწევა, რაც გულისხმობს იმას, რომ საქართველოში წარმოებული პროდუქცია, რომელიც იყენებს ნედლეულს, თავისუფლად შეიძლება ივაჭრებოდეს ევროკავშირის ბაზარზე და პირიქით, რაც საშუალებას მისცემს ერთობლივ საწარმოებს, ქართულ კომპანიებს, თურქულ კომპანიებს, გაზარდოს საექსპორტო შესაძლებლობები, მათ შორის, ისარგებლონ სრულად თავისუფალი ვაჭრობის შეთანხმებით ევროკავშირთან, რომელიც ერთ-ერთი ყველაზე დიდი ბაზარია მსოფლიოში. რა თქმა უნდა, ეს ქართული ბიზნესის კონკურენტუნარიანობას მნიშვნელოვნად ზრდის. სწორედ ამიტომ, ჩვენ ჩავატარეთ კონკრეტული კვლევები USAD-თან ერთად, გამოვიკვლიეთ ღირებულებათა ჯაჭვები, კონკრეტული სექტორები, ბიზნესის დარგები. გვინდოდა, აღნიშნული კვლევები გაგვეცნო ბიზნესისთვის, რათა ეს შესაძლებლობები მეტად გამოიყენონ. ასევე, უშუალოდ სავაჭრო პალატისა და „აწარმოე საქართველოს“ მიერ ორგანიზებულია დღეს B2B შეხვედრები. ბიზნესი ერთმანეთს შეხვდება. თურქეთის ვაჭრობის მინისტრს დღეს ჩამოჰყვა ძალიან ბევრი ბიზნესის წარმომადგენელი თურქეთიდან და იმედი მაქვს, რომ პირდაპირი კონტაქტები გამყარდება, რაც უშუალოდ აისახება ჩვენი ქვეყნებს შორის სავაჭრო ურთიერთობების კიდევ უფრო გამყარებაში“, – განაცხადა ეკონომიკისა და მდგრადი განვითარების მინისტრმა, ლევან დავითაშვილმა.
