აშშ-ის სახელმწიფო მდივანი ენტონი ბლინკენი აცხადებს, რომ უკრაინის კონტრშეტევა ჯერ საწყის ეტაპზეა, თუმცა მათ მნიშვნელოვან პროგრესს მიაღწიეს. ამის შესახებ ენტონი ბლინკენმა მექსიკაში ვიზიტისას პრესკონფერენციაზე განაცხადა. მან ასევე აღნიშნა, რომ კონტრშეტევის შედეგები, დასავლეთის დახმარების გარდა, არის უკრაინელების არაჩვეულებრივი სიმამაცისა და სიმტკიცის დამსახურება. ბლინკენმა აღნიშნა, რომ უკრაინელები იბრძვიან თავიანთი სამშობლოსთვის და მომავლისთვის.
„ის, რაც მათ გააკეთეს, იყო მეთოდურად დაგეგმილი და რა თქმა უნდა, ამას ხელი შეუწყო აშშ-ისა და მრავალი სხვა ქვეყნის მხრიდან მნიშვნელოვანმა მხარდაჭერამ იმის უზრუნველსაყოფად, რომ უკრაინას ხელში ჰქონდეს აღჭურვილობა, რომელიც მას სჭირდება კონტრშეტევის განსახორციელებლად“, – განაცხადა ბლინკენმა პრესკონფერენციაზე.
ბლინკენის თქმით, უკრაინის კონფლიქტი სავარაუდოდ გაგრძელდება გარკვეული პერიოდი, რადგან რუსეთს უკრაინაში მნიშვნელოვანი რაოდენობის ძალები და ტექნიკა აქვს მობილიზებული, რომელსაც ჯერ კიდევ იყენებს მოქალაქეებისა და სამოქალაქო ინფრასტრუქტურის წინააღმდეგ.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
