ლუკაშენკოს ვიზიტი ეწინააღმდეგება საერთაშორისო სამართლის პრინციპებს და რა თქმა უნდა, მიუღებელია, – ამის შესახებ აჭარის მთავრობის თავმჯდომარე თორნიკე რიჟვაძემ განაცხადა.
„მინდა გამოვეხმაურო ალექსანდრ ლუკაშენკოს ვიზიტს რუსეთის მიერ ოკუპირებულ აფხაზეთის რეგიონში, რომელიც ეწინააღმდეგება საერთაშორისო სამართლის პრინციპებს, არღვევს ოკუპაციის კანონს და რა თქმა უნდა, მიუღებელია. აფხაზეთი საქართველოა და ამას ვერანაირი ვიზიტი ვერ შეცვლის“, – განაცხადა თორნიკე რიჟვაძემ.
