„ნაციონალური მოძრაობის“ წევრი ხატია დეკანოიძე დავით კეზერაშვილის მიერ დღეს გამოქვეყნებულ განცხადებასთან დაკავშირებით, კომენტარის გაკეთებისგან თავს იკავებს. მისი თქმით, შიდა ოპოზიციური პოლიტიკური განცხადებები კიდევ უფრო დააზიანებს საერთო მიზანს.
„ეს განცხადება ჯერ არ წამიკითხავს, მაგრამ ერთი რაც შემიძლია გითხრათ, რომ ამასთან დაკავშირებით, ახალა ჩემი მხრიდან რაიმე სახის კომენტარი იქნება რეალურად, სიტუაციის კიდევ უფრო გამწვავება. ამიტომ იმ მნიშვნელოვანი მოვლენების ფონზე, რომელიც დღეს ხდება საქართველოს საგარეო და საშინაო პოლიტიკაში, ასევე უკრაინასთან მიმართებაში, თავს შევიკავებ ყოველგვარი შიდა ოპოზიციური პოლიტიკური განცხადებებისგან. ვფიქრობ, რომ ასეთი განცხადებები და გამწვავებები, კიდევ უფრო დააზიანებს საერთო მიზანს“, – განაცხადა დეკანოიძემ.
