უკრაინელებმა ქალაქი ლიმანი სრულად გაათავისუფლეს. მედიის ცნობით, აღნიშნულის შესახებ, უკრაინის პრეზიდენტის ოფისის ხელმძღვანელის მოადგილემ, კირილ ტიმოშენკომ სოციალურ ქსელში დაწერა.
„დღეს უკრაინის შეიარაღებულმა ძალებმა, კერძოდ, 81-ე ცალკეულმა სადესანტო ბრიგადამ, უკრაინის ეროვნული გვარდიის ნაწილებთან და კულჩიცკის ბატალიონთან ერთად, გაათავისუფლეს და კონტროლის ქვეშ აიყვანეს, დონეცკის ოლქის ლიმანის დასახლება“, – წერს ტიმოშენკო.
მანამდე მედიაში გავრცელდა სურათები, რომელზეც უკრაინელი ჯარისკაცები ლიმანის შესასვლელში უკრაინის დროშას აღმართავენ. მოგვიანებით, თავდაცვის მინისტრის მოადგილემ განაცხადა, რომ უკრაინელები ქალაქში შევიდნენ, თუმცა ბრძოლები ლიმანში კვლავ მიმდინარეობდა.
