ხვალ, 4 იანვარს, თბილისის დროით 23:45 საათზე, სერია A-ს მე-16 ტურში "ნაპოლი" "ინტერს" ესტუმრება.
"პარტენოპეის" მთავარმა მწვრთნელმა ლუჩანო სპალეტიმ მატჩისწინა პრესკონფერენციაზე სხვადასხვა თემაზე, მათ შორის, ხვიჩა კვარცხელიას შესახებაც ისაუბრა.
"როგორ გამოიყურება გუნდი შესვენების შემდეგ? ეს პერიოდი მოსამზადებლად მაქსიმალურად კარგად გამოვიყენეთ. ყურადღებით უნდა ვითამაშოთ და ბევრი ვივარჯიშოთ. ჩვენი სურვილია გულშემატკივრები გავაბედნიეროთ, რადგან ნეაპოლელი ხალხი ამას იმსახურებს.
რაც შეეხება "კვარას" და ლობოტკას - მათ კარგად იმუშავეს, ორივე მოთამაშე თავს კარგად გრძნობს. "იუვე სტაბიასთან" მშვენივრად ითამაშეს. ხვიჩა ყველაფერს თავად უმკლავდება, ის ძალიან კარგი
ბიჭია. ხშირად ახერხებს, იყოს არაპროგნოზირებადი. ქართველი ჩვენი გუნდისთვის დამატებით ღირებულებას წარმოადგენს. ასეთ ფეხბურთელს მატჩის შედეგის გადაწყვეტა, ფაქტობრივად, არაფრისგან შეუძლია.
ზეწოლას არ ვგრძნობთ, ვიცით, მეტოქისთვის რისი შეთავაზება შეგვიძლია. ჩვენ საკუთარ ფეხბურთს ვითამაშებთ, რომელიც ქომაგებს ასე ძალიან მოსწონთ.
"ინტერი" მაღალი დონის ევროპული კლუბია. ტექნიკურ ხარისხთან ერთად, მათი ფიზიკური მომზადებაც უმაღლეს დონეზეა. მართალია, ბროზოვიჩი დააკლდებათ, თუმცა უამრავი კარგი ფეხბურთელი ჰყავთ.
ახლა სეზონის ყველაზე საინტერესო ფაზაში შევედით. ეს არა მხოლოდ გუნდის, არამედ მთელი ქალაქისთვის გამოწვევაა. მთავარია, თავისუფლად და ლაღად ვითამაშოთ", - განაცხადა სპალეტიმ.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
