უკრაინის პრეზიდენტი ვოლოდიმირ ზელენსკი ვახტანგ (ბუბა) კიკაბიძის გარდაცვალებას ეხმაურება.
როგორც ზელენსკი წერს, ის იყო დიდებული ხალხის, დიდებული კაცი.
„ვახტანგ კიკაბიძე. მეგობარი, რომელიც ყოველთვის ჩვენთან იყო. დიდებული ხალხის დიდებული კაცი. ლეგენდა, რომელიც ყველასთვის სამაგალითო იყო.
ნათელი ხსოვნა ხელოვანს და სამძიმარი მის ახლობლებს“,- წერს ზელენსკი და ფოტოს აქვეყნებს.
ქართველი კინომსახიობი, საესტრადო მომღერალი, სცენარისტი, კინორეჟისორი, სიმღერების ავტორი ბუბა (ვახტანგ) კიკაბიძე 84 წლის ასაკში გარდაიცვალა.
