უკრაინაში ინტერვენციასთან დაკავშირებით რუსეთის ლიდერების ქმედებების გამოსაძიებლად სპეციალური საერთაშორისო ტრიბუნალი უნდა შეიქმნას, - ამის შესახებ გერმანიის საგარეო საქმეთა მინისტრმა ანალენა ბერბოკმა ჰააგაში, საერთაშორისო სამართლის აკადემიაში სიტყვით გამოსვლისას განაცხადა.განაცხადა.
როგორც სააგენტო „როიტერი“ წერს, გერმანელმა დიპლომატმა აღნიშნა,რომ უკრაინასა და პარტნიორებთან განიხილებოდა უკრაინის წინააღმდეგ აგრესიის დანაშაულებისთვის სპეციალური ტრიბუნალის ჩამოყალიბების იდეა.
მისი თქმით, ტრიბუნალს შეუძლია, იფუნქციონიროს უკრაინის სისხლის სამართლის საფუძველზე. ამასთან, მას, შესაძლოა, დაერთოს საერთაშორისო ელემენტები – განთავსების ადგილი, პარტნიორების მხრიდან ფინანსური მხარდაჭერა, საერთაშორისო პროკურორები და მოსამართლეები, რათა უზრუნველყოფილი იყოს მიუკერძოებლობა და ლეგიტიმურობა.
