22 წლის შემტევი ნახევარმცველი მიხაილ მუდრიკი "ჩელსიმ" "შახტარისგან" 100 მილიონ ევროდ შეიძინა, რამაც ბევრი გააკვირვა, რადგან მას ფეხბურთის სამყაროში თითქმის არ იცნობენ. ტრანსფერის შესახებ "Коммент.Шоу"-ს "იუთუბის" არხზე "რუბინის" ყოფილმა მწვრთნელმა ლეონიდ სლუცკიმ ისაუბრა:
"100 მილიონი ევრო მოთამაშეში, რომელმაც ჩემპიონთა ლიგაზე რამდენიმე მატჩში მიიღო მონაწილეობა - ეს საერთოდ როგორ? "ჩელსი" არ რის მომავლის გუნდი, ეს დღევანდელი დღის გუნდია. მომავლის ფეხბურთელი არ შეიძლება 100 მილიონი ღირდეს. ჩემი აზრით, მათ ფული აქვთ. კლუბის მფლობელებს უნდათ დაამტკიცონ, რომ წინამორბედებზე ნაკლებად ეფექტური არაფრით არ არიან.
ტრანსფერებში გამოცდილება არ აქვთ, ამიტომ ეს ქაოტურად მოჩანს, არაორგანიზებულად და შემთხვევითად. ვნახავთ, ამისგან რა გამოვა.
"ჩემპიონატმა" უკრაინელის თაობაზე სტატია გამოაქვეყნა სათაურით - "მაშინ რამდენი ღირს კვარაცხელია? მედიისა და გულშემატკივრების რეაქცია მუდრიკის "ჩელსიში" ტრანსფერზე".
